CARAT Fine Indian and Mediterranean Cuisine (盈豐商業大廈)

营业中

休息中

上次同朋友去尖沙咀揾到呢间印度地中海餐厅，发现真系好好食。今次带屋企人一齐试下其他菜式，果然冇失望。先嚟嘅喺羊架配石榴汁薯蓉及彩虹甘笋，羊肉嘅调味好惹味，而且每只羊架的大细啱啱好，几啖食完唔会太腻，薯蓉好幼滑好creamy，彩虹甘笋又够健康，可以减低罪恶感。然后就系希腊哈罗米芝士车厘茄火箭菜沙律，呢个沙律唔单止撒咗芝士粉，仲有一块块厚实嘅烤哈罗米芝士，味道香浓，加上粗盐同法式油醋汁，健康清新又唔会太寡。乳酪番红花薄荷羊肉香饭，呢个我上次食过，今次推介埋屋企。强烈建议捞埋Yogurt食，既可以中和到羊肉饭嘅辣味，又有清凉嘅口感，好适合夏天食。天多利烧连骨鸡腿马沙拉咖哩，香辣惹味。搭配牛油烤饼，味道一流。最后我哋叫咗椰子雪糕做甜品，椰子香味浓郁，仲有椰子粒。