宴 尖沙咀

𠮶日我生日朋友带我嚟呢间餐厅食日本菜，令到我好满足，因为餐厅嘅环境唔单止好舒服，啲嘢食都好正，下次仲要再嚟食过。𠮶日我哋叫咗好多嘢，其中包括咗：【鸡肉大叶串烧】鸡肉烧得好嫩，咬落去好有嚼劲，仲有少少酸酸嘅梅子酱味，好开胃。【轻烧宫崎和牛】牛肉油脂分布平均，味道好浓郁，肉质嫩滑多汁，油腻感相对较轻，食落好滑，令我回味无穷。【日本猪肉柚子胡椒烧】我最钟意食嘅一碟菜，猪肉口感结实有嚼劲，脆弹唔油腻，入口后会有少少辣味同柚子嘅清香，好好味！【加贺之月虹纯米大吟酿】入口有阵淡雅嘅香味，仲有米嘅滑溜口感，好醇厚，味道一流。【炸苦瓜片】苦瓜即炸到金黄色，香脆可口，仲有少少甘味，而且仲保留咗苦瓜天然嘅口感同味道，好啱做送酒小食。【海葡萄】口感爽脆，配埋酸汁一齐食好清新，仲有少少海水嘅鲜味，好有特色嘅冲绳小食。