Bistro on the Mile

营业中

休息中

Openrice Coupon75折，今晚就嚟试一试。第一轮出嘅生蚝甩皮甩骨，负责洗蚝𠮶位厨师哥哥用洗头般嘅水力猛冲啲蚝，蚝味固然冇哂，仲多咗阵东江水嘅天然风味，唔单止咁，畀水喉水猛啤之后嘅蚝肉底竟然仲有蚝壳碎同沙，我真系写个服字。我已经就角度尽量影靓啲，实物系啲蚝肉啤水啤到飞哂出嚟吊吊揈响壳边。三文鱼刺身份量虽然多，但系啲筋仲多，冇乜鱼味。沙律吧嘅蔬菜算系最正常，尤其是白蘑菇同炒杂菌，几鲜味。第二轮生蚝正常返少少，但系依然系成阵东江水味，蚝味都还算OK，冇腥冇臭。中汤唔够浓郁，唯有饮西汤。蔬菜丰富茄味浓，似足人哋减肥煲定一煲响屋企饮足一个星期𠮶种美味。海鲜冇海鲜味，粥底似婴儿食𠮶啲糊仔。葡挞好稳阵，所以临完场前大半个钟经已畀人扫哂。Hagen-Dazs细杯装雪糕亦系稳阵之选，可惜只有朱古力同云呢嗱两种味道拣。生果卫生企理正常清甜。热荤嚟讲，蒜蓉西兰花、白菜呢啲简单嘢最靠得住。点心烧卖同牛肉球有一般酒楼水准。至于𠮶啲炸饺子炸鸡翼炸乜乜统统炸过哂火，又硬又多油兼热气，不吃也罢。结论：冇下次。