影片
更多
2022-11-16
169 浏览
雅 ‧悠蔬食📍尖沙咀金马伦道48号中国保险大厦3楼B号舖同朋友约去尖沙咀食饭，查到有间颇有人气嘅素食餐厅，因为最近我哋都想食得健康啲，所以就拣咗星期一喺呢度食午餐。一入到餐厅，已经见到好多充满文艺气息嘅装饰品，例如油画，而且全间店嘅装修都系以浅紫色为主，感觉好清新，店员亦好有礼貌咁安排我哋坐喺窗边嘅位置，可以睇到少少街景。有一加分位系店员会主动问食客需唔需要帮手影合照，而且服务态度亦好好，令整个用餐体验更smooth更舒服！ 💰$88泰式炒粉丝配椒盐茄子 🍝🍆呢个炒粉丝好足料，除咗有蛋丝之外，仲有杂菇、蕃茄、芽菜同素肉等配料。虽则系泰式，但无咩辣味，炒得好惹味，相信大人细路都好啱食！重中之重系个椒盐茄子，皮脆馅嫩，味道恰到好处，个人认为系成餐最好味嘅一道伴菜，两嚿真系唔够喉！ 💰$98焗烤牛油果新吞拿墨西哥薄饼配红菜头苹果藜麦沙律及香脆薯角 🥑🐟🫓🥗🍟我自己唔太喜欢红菜头同藜麦，所以就俾咗成个沙律我朋友食，佢食到赞不绝口，认为餐厅将啲咁健康嘅食材整得咁易入口，相信可以令平时唔太钟意呢啲食材嘅人踏出第一步试下。佢话沙律好少见有呢个组合，食落清新开胃，食材亦好新鲜，系好特别嘅一款沙律。而主
📍尖沙咀金马伦道48号中国保险大厦3楼B号舖
同朋友约去尖沙咀食饭，查到有间颇有人气嘅素食餐厅，因为最近我哋都想食得健康啲，所以就拣咗星期一喺呢度食午餐。一入到餐厅，已经见到好多充满文艺气息嘅装饰品，例如油画，而且全间店嘅装修都系以浅紫色为主，感觉好清新，店员亦好有礼貌咁安排我哋坐喺窗边嘅位置，可以睇到少少街景。有一加分位系店员会主动问食客需唔需要帮手影合照，而且服务态度亦好好，令整个用餐体验更smooth更舒服！
[价钱 Price]
💰$88
泰式炒粉丝配椒盐茄子 🍝🍆
呢个炒粉丝好足料，除咗有蛋丝之外，仲有杂菇、蕃茄、芽菜同素肉等配料。虽则系泰式，但无咩辣味，炒得好惹味，相信大人细路都好啱食！重中之重系个椒盐茄子，皮脆馅嫩，味道恰到好处，个人认为系成餐最好味嘅一道伴菜，两嚿真系唔够喉！
[价钱 Price]
💰$98
焗烤牛油果新吞拿墨西哥薄饼配红菜头苹果藜麦沙律及香脆薯角 🥑🐟🫓🥗🍟
我自己唔太喜欢红菜头同藜麦，所以就俾咗成个沙律我朋友食，佢食到赞不绝口，认为餐厅将啲咁健康嘅食材整得咁易入口，相信可以令平时唔太钟意呢啲食材嘅人踏出第一步试下。佢话沙律好少见有呢个组合，食落清新开胃，食材亦好新鲜，系好特别嘅一款沙律。
而主角墨西哥薄饼就有三件，都有好多馅，而且够晒juicy，除咗牛油果同新吞拿之外，佢仲有蕃茄，成个饼食落一啲都唔干，而且唔会好浓调味，感觉好健康！
最后就系伴碟嘅薯角，一个字，正！佢系用烤焗嘅方式烹制，而唔系用油炸，所以食落唔单止无油腻感，就连个薯皮嘅原味都食得到，里面嘅薯蓉口感亦好好，好重薯仔味，非常值得一试！
[价钱 Price]
💰$10
苹果南瓜甘笋忌廉浓汤配香脆法包 🥣🥖
套餐可以$10优惠价钱加配汤品同小食，我哋拣咗呢款好creamy好浓郁嘅忌廉汤，一饮就知劲足料，唔会水汪汪，仲可以饮到某啲食材嘅纤维添，用脆卜卜嘅法包点住嚟食，就最夹啦！
[价钱 Price]
💰$0
咸柑桔蜜 🫖
同市面买到嘅现成咸柑桔蜜分别不大，但热辣辣好暖胃。
[价钱 Price]
💰$0
荔枝柠檬芦荟冰茶(冻) 🍹
睇佢个样会以为系普通冻柠茶，但饮落会有啖啖清香荔枝味，而且佢真系有芦荟肉，系一杯好refreshing嘅饮品！
张贴
