影片
更多
2024-05-17
30 浏览
今天同朋友去尖沙咀行街睇戏，到食晚饭时就系附近揾吓嘢食，尖沙咀都有好多食物店，我朋友话记得附近有间好食又抵食嘅餐厅，这间餐厅叫极上冰室，位于尖沙咀漆咸道南41-45地舖，尖沙咀东地铁站P3出口，行几分钟就到，非常方便。极上冰室门外招牌好亮，令人一眼就望见这间餐厅，餐厅内空间都好宽敞，亦装修得好靓好整洁，室内都有招牌写住欢迎来极上冰室，光度十足，墙上亦有冰室食品画来推介俾大家，整得都几靓，而座位都坐得令人舒服，尤其是卡位，餐厅员工亦有礼貌，服务态度好，来这里食都唔错。餐牌都有很多种食品款式选择，早上7:00-11:30有营养早餐及欧陆风情餐，11:30-22:00有常餐，全日有港式风情三文治及多士，14:00-18:00有下午茶及欧陆风情餐，而11:30后供应有汤饭、粉面饭、极上十二味套餐、极上小菜、马来咖喱、小食、饮品、特饮，真系好多食物选择，尤其是极上小菜好吸引又好抵食，有三种小菜，镬气小炒、煲仔类、蒸类，加多$12可转做套餐，包括有埋白饭、例汤同平饮品，而且亦可变成二人套餐及四人套餐，睇餐牌入面食物照片见到都好靓，价钱又唔贵，真系抵食。我哋就叫咗极上十二味嘅黄金虾球和豉椒炒鲜鱿套餐
餐牌都有很多种食品款式选择，早上7:00-11:30有营养早餐及欧陆风情餐，11:30-22:00有常餐，全日有港式风情三文治及多士，14:00-18:00有下午茶及欧陆风情餐，而11:30后供应有汤饭、粉面饭、极上十二味套餐、极上小菜、马来咖喱、小食、饮品、特饮，真系好多食物选择，尤其是极上小菜好吸引又好抵食，有三种小菜，镬气小炒、煲仔类、蒸类，加多$12可转做套餐，包括有埋白饭、例汤同平饮品，而且亦可变成二人套餐及四人套餐，睇餐牌入面食物照片见到都好靓，价钱又唔贵，真系抵食。
我哋就叫咗极上十二味嘅黄金虾球和豉椒炒鲜鱿套餐，极上小菜镬气小炒嘅干煸四季豆和黑椒牛柳粒炒碎肉瓜，同埋小食甜品嘅炸双皮奶，饮品就选咗柠檬蜜、利宾纳和杏仁霜。首先上枱系热辣辣嘅例汤，红汤是罗宋汤，中汤是青红萝卜汤，红汤嘅浓调度适中，中汤唔咸唔淡够晒味，两种汤都好饮，跟住来是两杯饮品柠檬蜜和利宾纳，两杯饮品都少甜好饮，尤其是柠檬蜜解油腻一流，好配合吃餐。
黄金虾球份量都唔少，未落枱已经闻到香喷喷味道，有大量咸蛋黄粒粒，好香咸蛋黄味，啲虾都好大只，食落口非常松脆弹牙，又唔油腻，连埋啲生菜丝食非常好食，豉椒炒鲜鱿份量亦唔少，鲜鱿又系好大嚿好爽滑，豉椒味好浓郁超惹味，同饭好配合，虾同鱿鱼都好新鲜，食物质素都几高。黑椒牛柳粒炒碎肉瓜份量多，牛柳粒肉质鲜嫩，好有牛肉味，碎肉瓜片片都爽囗，连埋香辣惹味黑椒汁，更是美味无比，干煸四季豆是著名嘅川菜，配合蒜头、姜、葱、辣椒、碎肉来炒，四季豆炒得好干身爽点，好惹味又不太油腻，只有少少嫩，亦送饭一流。最后吃埋小食嘅甜品炸双皮奶同埋饮品嘅杏仁霜，炸双皮奶个皮面好香脆，入边好重奶味，外脆内软，甜度啱啱好，而杏仁霜亦好够杏仁味，又唔浓唔淡，亦都唔太甜好饮，亦都好配合食完饭食嘅甜品。
这间冰室餐厅好值得推荐俾大家，食得好滋味又好抵食，价钱又唔贵，每道菜份量都足够，让食客吃得尽兴满足，我哋下次都会再来食其他嘅食品及饮品。
张贴
