好川好菜 (已結業)

呢排十分低气压想食D辣野发泄下，朋友就提议黎呢间好川好菜，贪佢够晒就脚，一出地铁站就见到。🥢酸菜生猛桂花鱼（小）$238要数川菜中的代表不得不提酸菜鱼，呢度嘅酸菜鱼可选择龙趸或桂花鱼，今次就拣咗比较传统嘅桂花鱼，桂花鱼肉质嫩滑，汤头酸辣度调教得刚好，非常开胃，而吸收左汤汁嘅薯粉更加系精华所在。🥢麻辣海蜇手撕鸡$108海蜇爽口弹牙，手撕鸡肉质细嫩，味道麻重于辣，吃得十分过瘾。🥢招牌好川凉面$58幼面伴上芝麻、葱花、炸蒜、虾干、口水汁，麻中带香，非常惹味。🥢担担面$48担担面则比较普通，可能之前几道菜味道都比较突出，呢个食起上嚟味道淡左少少。后记：不得不赞呢度嘅服务，亲切有礼之余亦会经常主动斟茶加水，装潢亦十足中国风，有如置身于古代。