影片
更多
2023-07-12
230 浏览
📌尖沙咀打卡厨师发办😮💨见到佢哋餐厅做紧半价优惠 又见到唔少人有好评 所以就想去试吓～一入到餐厅 见到左边有个非常适合打卡 ig-able嘅河流仔😂女士们应该会几钟意 我第一入到去见到有位工作人员喺度清洁紧呢个流水位 经师傅得知 原来餐厅会系呢个打卡位养殖住啲来货海鲜～去到我哋开始食 处理「打卡位」嘅呢位人员都未离开 直到我哋食到中途佢清理完毕先离开 而大家都会想像到其实佢清理嘅时候会发出好多声音 某程度上都影响咗客人喺餐厅享用食物嘅气氛🥲其实有打卡位系无问题的 但影响到客人享用食物我就觉得餐厅呢一个位置要改善下～我哋食当日lunch嘅第一轮 呢一轮得我哋🧎🏻♀️因为食lunch关系 我地只饮茶🍵开始讲食物啦😌🍣初头识烧带子 鲷鱼觉得系正常发挥象拔蚌系爽甜嘅👍🏻🍣食到中拖罗 师傅加腌制山葵前 有问我哋食唔食到辣～我地都有ok咁师傅就加咗腌制咗嘅山葵 我个人觉得生葵嘅辣味覆盖左中拖罗嘅鲜味 所以我唔系好食到中拖罗原先嘅鱼料味🍣跟住下五道菜（无错，系五件寿司都系炙烧😐）都系师傅用火枪烧鱼料 我睇到呆咗😅正常嘅师傅都系将鱼料先火炙 后再握寿司比客人 呢位师傅，一开始已经握好寿司 然后将整件
见到佢哋餐厅做紧半价优惠 又见到唔少人有好评 所以就想去试吓～
一入到餐厅 见到左边有个非常适合打卡 ig-able嘅河流仔😂女士们应该会几钟意 我第一入到去见到有位工作人员喺度清洁紧呢个流水位 经师傅得知 原来餐厅会系呢个打卡位养殖住啲来货海鲜～
去到我哋开始食 处理「打卡位」嘅呢位人员都未离开 直到我哋食到中途佢清理完毕先离开 而大家都会想像到其实佢清理嘅时候会发出好多声音 某程度上都影响咗客人喺餐厅享用食物嘅气氛🥲
其实有打卡位系无问题的 但影响到客人享用食物我就觉得餐厅呢一个位置要改善下～
我哋食当日lunch嘅第一轮 呢一轮得我哋🧎🏻♀️
因为食lunch关系 我地只饮茶🍵
开始讲食物啦😌
🍣初头识烧带子 鲷鱼觉得系正常发挥
象拔蚌系爽甜嘅👍🏻
🍣食到中拖罗 师傅加腌制山葵前 有问我哋食唔食到辣～我地都有ok咁师傅就加咗腌制咗嘅山葵 我个人觉得生葵嘅辣味覆盖左中拖罗嘅鲜味 所以我唔系好食到中拖罗原先嘅鱼料味
🍣跟住下五道菜（无错，系五件寿司都系炙烧😐）都系师傅用火枪烧鱼料 我睇到呆咗😅正常嘅师傅都系将鱼料先火炙 后再握寿司比客人 呢位师傅，一开始已经握好寿司 然后将整件寿司直接放上炙烧板上烧😵💫最后旧寿司嘅底系烧㶶咗😵我同同行朋友系吓亲😂仲要唔止一件🤯
完全睇得出呢个师傅系唔专业 我会再讲讲佢嘅唔专业
🍣之后食嘅池鱼 吞拿鱼卷同埋海胆都系正常发挥
食紧嘅期间 师傅同我哋倾偈 佢讲起最近好多后生仔都去食厨师发办 讲讲吓佢话其实自己系做开西餐同日本菜 我即刻好好奇：乜唔系多数鮨店师傅都系要训练一段时间 先可以独当一面做serve客嘅师傅？
之后经呢位师傅透露 其实佢钟意做西餐多啲😂亦都有话自己系喺中环区三间米芝莲西餐厅做嘢 师傅更引以自豪咁话自己喺佢讲述嘅米芝莲餐厅嘅工作位置 系去到客人request见厨师 而佢会出黎见客嘅地步
（小妹心里一问：咁点解你会喺度呢？以我认知 米芝莲餐厅嘅厨师应该唔会咁样走去其他餐厅 仲要系同西餐完全唔关事嘅日式厨师发办点做 点解你会喺一间普通尖沙咀厨师发办店工作？）
喺呢个时候 我已经好怀疑师傅嘅可信性 再加埋见到佢一连 连握呢五旧火炙过嘅寿司 就知道呢间餐厅好伏😂
而且系我哋进食期间 都见到厨房制作部曾经有一位著住便服（Burberry款式T-Shirt）非工作服嘅人曾经喺吧枱后面出入 都已经感觉到呢间餐厅嘅唔专业
从整个与师傅对话嘅过程同埋佢握寿司嘅过程中 睇得出呢个师傅冇经过一向Omakase店师傅嘅长期训练 我真系未见过厨师发办喺炙烧寿司系会整件寿司一齐烧😂睇相都见到啲饭系窿到有啲变黑 而且佢自己都有讲话佢都系少做Omakase 自己钟意做西餐多😂
绝对怀疑呢间师傅 甚至呢间餐厅嘅专业性
值得一讲系其实师傅都有问我哋食物O唔Ok 只系我地都觉得其实佢系由制作过程都已经充满伏味 而唔系只系某件寿司唔掂咁简单 所以呢度都提一提 师傅系有问意见 只系我地已经唔想提出任何建议 因为基本上都好多嘢要改善😩
另外想讲吓师傅嘅造型 之前食其他鮨店都冇特别留意师傅嘅发型 因为见到平时嘅师傅通常就好整洁咁将头发收喺厨师帽入边 又或者佢哋嘅头发都系俾人一种好整洁嘅感觉
讲吓呢位师傅 佢真系头都唔梳 见到佢头发嘅凌乱😌 当配上佢serve嘅寿司 我个人认为有少少影响我享用呢一餐🫠
我哋今次系用咗佢哋嘅半价优惠
可能有人会话 半价优惠要求唔好咁多
但我个人认为餐厅唔应该因为价钱嘅减价而令质素下降
咁样我会宁愿你哋唔减价 俾我食返你哋应有嘅质素🤔
我见到IG上嘅宣传都有时会有呢位师傅工作嘅post 但较多出现系另一位师傅 唔知系咪因为咁所以质素差咗🤔睇得出另一位师傅整出嚟嘅同呢一位完全唔一样😂
呢一次会系我最差嘅Omakase饮食体验😢会话我食到嘅嘢 同喺Openrice同埋Omakase关注组见到嘅食物完全唔同 两个层次🤧
🍽️ 食物：🌑🌑🌑🌑🌑
🥂 饮品：🌕🌕🌕🌑🌑
👩🏻🍳 环境：🌕🌑🌑🌑🌑
💯CP值：🌗🌑🌑🌑🌑
✅回头率：🌑🌑🌑🌑🌑
💰
鮨十二贯 ($390/pp)
(Without 50% discount)
Overall: NA (out of ⭐️⭐️⭐️⭐️⭐️)
📍 木涧
@moku.hk
地址：尖沙咀金巴利道65-67B号太平洋大厦UG楼A号舖
题外话 亦都系因为今次比较差嘅饮食经验 启发到我去开啲个account去提供较符合现实情况嘅食评比香港人🙈
Hashtags🔎
#eatgoodwestsin_omakase
#eatgoodwestsin_japanese
#eatgoodwestsin_tsimshatsui
#eatgoodwestsin_kowloon
张贴
