花月宮 (已結業)

朋友外国返黎带佢最想食嘅打边炉，呢间花月宫食过一向料都新鲜，而且坐得舒服，仲可以包房。用QR code点餐，酱芥每人收$18。泰北冬阴公原只澳洲龙虾海鲜锅 $388一上台就见到澳洲龙虾🦞好鬼生猛，不停咁挣扎，仲有青口、细墨鱼仔和生猛虾、菜等配料，而汤底酸酸地辣辣地，真系劲开胃。而龙虾肉绝对唔系hea,咬落啖啖肉又鲜甜，好好肉地👍🏻。而饺类叫左韮菜饺 $58，重庆辣子鸡肉饺$58同爽口鲜虾云吞 $58，全部都各4粒，而且只只都劲大只又足料，净系食呢个都好饱。最后仲叫左皇帝菜 $48、鸭血 $58同稻庭乌冬 $28，成餐都好满意呀！