鳴 Fusion (已結業)

餐厅内有多款刺身、寿司、炸物、手卷、烧物、小食等等非常多选择。蟹籽青瓜沙律食材新鲜，而青瓜丝爽口加埋蟹籽、蟹柳一齐食口感丰富，系一个唔错嘅头盘沙律。刺身拼盆餐厅有多款刺身选择而且都好新鲜，有三文鱼、油甘鱼、吞拿鱼、马刀贝、甜虾等等，而刺身亦好厚身，钟意食刺身嘅一定唔好错过啦！花之恋、蜜桃花之恋份量岩岩好一口一件，而且仲有好多沙律酱食完好满足。金菇肥牛卷金菇肥牛呢个组合真系绝配，最重要系烧得刚刚好，金菇亦唔会过淋不过不失。烧茄子茄子肉烧得岩岩好，加埋蒜泥一齐食好惹味。烧牛舌牛舌非常厚身，食落去淋身而且好重牛味，必食。日式肥牛锅份量唔会太多而佢个汤底好清甜，食埋肥牛真系饱到上心口。餐厅内有冻柜可以拣选不同雪糕同雪条。仲可以自助拎不同饮品，而且佢仲有平时小见嘅冬瓜茶。整体嚟讲呢间餐厅真系几抵食。