小時候 (已結業)

星期三晚系尖沙咀赶住返屋企，但系发觉有少少饿，又唔想坐低堂食，一于又外卖医下肚啦。见到呢间带点怀旧feel 嘅小食店，店名仲要叫「小时候」，立即增加了亲切感。睇吓有乜好嘢食先，除港式小食烧卖鱼蛋、碗仔翅；亦有煎炸香口野食；亦有串烧等。最后选了一份煎蚝饼（$40）、烤羊架（$55）、烧秋刀鱼（$30）、台湾原味及黒椒味烤肠（$20/条），再加多一串牛肉串（$20）。煎蚝饼十分香脆，蚝仔肉够鲜味，一份不算大细细件，认真讲真系唔够喉，下次可以打孖上。烤羊架亦有惊喜，食落肉嫩多汁。秋刀鱼烧得十分完整，而且更附上小柠角，以小食店来说十分细心。牛肉串腌得十分够味，略偏咸。台湾肠可以一解台湾嘅思念。食物全部即叫即造，需要耐心等候。