小時候 (已結業)

岩岩叫左個外賣食，諗住睇到好評試下，點知叫到黎，落完單同我講乜都無，想食蘿蔔絲餅又無，墨魚餅又無，原味台灣腸都無，最後轉晒炸燒賣、蒸燒賣同埋黑椒腸， 條腸重要$24得一條。

最近相約姊妹共聚，我和姊妹經過尖沙咀科學館道，她帶我去「小時候」，食店人流很旺，被它的食物所吸引，打算進入外賣覓食。店中環境舒適，乾淨整潔，氣氛輕鬆，空間感很好，感覺舒服開揚。餐牌上設有多款菜式選擇，美食當前無法抵擋，放縱一下自己，美味的食物，我都很鐘意，價錢很相宜。食物是即叫即製，餐單上畫上你想食的食物，交給職員便可。我選擇了5款食物，包括有炸春捲，帶子，炸魚蛋，燒賣及雞翼，外賣回家慢慢食。炸春捲炸春捲咬落脆卜卜，一口咬下去，香脆有彈性，非常爽口，口感層次豐富，細膩美味，讓人一試難忘。黃金帶子單單看樣子已經令人唾涎，黃金帶子口感非常香脆，彈牙有咬口，肉質鮮嫰爽滑，入口美味，剛好恰到好處，齒頰留香，饞嘴的我很想Encore。炸魚蛋炸魚蛋份量多，賣相相當吸引，肉質鮮嫰，紮實彈牙，多吃都不妨，滿載的味道清新，別有一番風味。燒賣燒賣肉質嫰滑彈牙，啖啖美味，口感很好，仍然保留了誘人的味道，正合我的口味，水準幾好。鹵水雞中翼鹵水雞中翼很入味，鮮嫩有彈性，脂肪很少，食落不會太過油膩，十分香滑，香氣四溢，味道可口。小時侯（尖沙咀）地址：尖沙咀科學館道14號新文華中心地下15號舖

同事同我講呢間小食「好難食、份量又少、環境差」我唔信⋯見食評都話好正份量多又扺食，好多笑哈哈食評喎！！最近都係尖沙咀開會做嘢，順路經過諗住試吓整返啲小食睇吓堅定流嗱唔係講笑！去足兩晚㗎！5月3日晚上5月6日晚上攝於晚上8點，但⋯⋯經過都係關門嘅🤔🤔第一晚去以為係休息啦，但係連續兩晚喎！尖沙咀連續兩晚都唔開門都幾大件事⋯⋯( ；´Д｀)我唸應該我同事講嘅都係真⋯⋯⋯加上疫情⋯⋯⋯所以要準備關門大吉了⋯⋯

由尖東行去紅磡站，中途係會經過好多小食店，我會同朋友講嗰條係小食街😂 我發現開咗新嘅小食店叫做「小時候」，看看佈置和餐牌都有種懷舊香港的感覺💛拎張紙仔可以圈低自己想要嘅食物，全部嘢食都係即叫即本的！🔸潮式蠔餅 $40呢家係街頭無乜見到有蠔餅這些小食了，難得有當然要叫啦。煎得好香脆，蠔粒好大，大大塊上面仲鋪咗啲芫荽作點綴🔸五香牛雜 $45牛雜分左右2個size有大有細，我就叫左大size有牛肺、牛膀、牛肚等牛既內臟，煮得好入味，而且仲有蘿蔔呀！ 🔸竹筀雞絲翅 $35呢碗係有雞絲、冬菇、竹笙、木耳係入面，原本就咁睇個色水覺得好稀咁，放落左口又唔覺應該用左馬蹄粉「埋芡」，湯汁晶瑩剔透，口感順滑。🔸多春魚 $30多春魚都係好耐無食過，一份有6條🐟炸到岩岩好，食落外皮脆脆的，每一條都好多春呀😆🔸黃金帶子 $30🔸炸墨魚餅 $20都係即叫即炸的，好邪惡感呀

星期三晚係尖沙咀趕住返屋企，但係發覺有少少餓，又唔想坐低堂食，一於又外賣醫下肚啦。見到呢間帶點懷舊feel 嘅小食店，店名仲要叫「小時候」，立即增加了親切感。睇吓有乜好嘢食先，除港式小食燒賣魚蛋、碗仔翅；亦有煎炸香口野食；亦有串燒等。最後選了一份煎蠔餅（$40）、烤羊架（$55）、燒秋刀魚（$30）、台灣原味及黒椒味烤腸（$20/條），再加多一串牛肉串（$20）。煎蠔餅十分香脆，蠔仔肉夠鮮味，一份不算大細細件，認真講真係唔夠喉，下次可以打孖上。烤羊架亦有驚喜，食落肉嫩多汁。秋刀魚燒得十分完整，而且更附上小檸角，以小食店來說十分細心。牛肉串醃得十分夠味，略偏咸。台灣腸可以一解台灣嘅思念。食物全部即叫即造，需要耐心等候。

咁岩經過，見條街好多宵夜檔..見到呢間鋪都有幾個人排緊隊，諗住d野食都唔會差得去邊…叫個牛雜試試佢，大份45$份量黎講係ok既…但係味道同質感真係攪唔掂..D牛肚鞋過我對鞋底..食物又唔夠熱…真係食一兩舊想掉左佢…得蘿蔔係正常放得落口…想試既叫正蘿蔔就穩陣..D牛內臟真係差到一個點 完全攪唔掂😫😫

放工經過這間新開的小食店，名叫小時候，唔知係咪會有小時候既風味呢！細個時最仲意食生菜鯪魚肉，這個魚肉湯很足料，麻油香味加上大量的胡椒粉，入口帶點微胡椒香辣味，魚肉爽口，味道不錯。雖然叫潮式蠔餅，但我覺得似台灣蚵仔煎，蠔肉脹卜卜之餘，蠔餅咬煙韌。五香牛雜又是另一樣懷舊小食，牛肺、牛膀都炆得很腍又入味，蘿蔔清甜無渣。即叫即燒既黑椒台灣腸，皮脆肉嫩，腸油爆出。鹽酥雞即叫即炸，外脆內嫩，唔會炸得太乾，抵讚。

尖東除左有多餐廳之外，新文華中心嘅地鋪仲有好多外賣小食店，喺科學館睇完展覽口痕就過黎睇下。小時候以鐵皮檔嘅綠色做主色，充滿懷舊感，賣嘅除左有串燒之外，仲有炸雞脾、碗仔翅、生菜魚肉......哩啲懷舊小食。脆皮生炸大雞脾($35) - 雞脾炸得夠乾身，雞皮好香脆又唔會太油，肉質又唔會太乾，見佢灑左好多辣粉同糖椒粉，都幾惹味。雞軟骨($18) & 雞肉串($18) - 串燒唔會燒到乾柴柴，雞軟骨脆卜卜，加埋辣粉好正！烤生蠔($25/隻) - 生蠔唔會燒得太熟縮晒水，食落仲係juicy嘅，上面加左好多蒜蓉，好香蒜味。咖哩魚蛋($13) - 魚蛋唔會太粉都幾彈口，咖哩香而不辣。營多撈麵($30) - 套餐可以喺十款餸入面任揀兩揀，我揀左墨餅同燒賣，每款有兩件，墨餅好彈牙，營多撈麵非常惹味。竹笙雞絲翅($35) - 竹笙雞絲翅入面仲加左木耳，杰度適中，外賣店員仲會問要唔要加醋，味道都可以。總結，燒物做得唔錯，唔會燒到過火，特別鍾意炸雞脾，雞皮炸到好脆又唔會太油。

係尖沙咀開左間懷舊小食店，匯集好多以前既街頭小食，買反去做宵夜一樣正~😝即叫即製，所以都要等一段時間先拎到食物~😆🌟 滷水大雞髀 $35大雞髀放落個外賣盒度都大到突左少少出黎，滷到入味、D雞肉又嫩，一個人啪一隻大滿足😘~🌟 炸燒賣 $20一份有7粒炸燒賣，想惹味D可以加埋辣粉~簡單滋味！🌟 潮式蠔餅 $40呢度仲有炸潮式蠔餅，加入粒粒蠔仔既蠔餅幾香口、幾有風味~ 🤩🌟 串燒 (豬肉串、雞肉串、雞軟骨) $18

以前尖東返工放工成日都可以買宵夜，依家有返晚市終於都可以經過買下宵夜。我係俾佢啲歌吸引咗我行過去，嘢食選擇都幾多燒生蠔🦪 $25@1堅好食，平時嘅燒蠔多數都會好細粒，又或者好聲，但佢一啲都唔細粒之餘仲好鮮蠔味。原味台灣腸 $20超級耐冇食過台灣腸，台灣腸係我唯一會食嘅腸，佢唔係淨係就咁加熱真係燒，所以出嚟嘅味道更加香蠔餅 $40好耐冇食過蠔餅，佢嘅蠔又係新鮮，而且唔細粒，呢個價錢絕對對得住。黃金咖喱角 $25@6好耐冇食過，就算返到嚟屋企佢都仲係脆,唔錯孤單一條魷🦑 $60個名好搞笑，好似我咁開頭以為係魷魚筒，點知佢係魷魚乾，好香燒既魷魚味。真係估佢唔到味道真係唔錯，賣相又唔差，開頭仲諗住冇乜期望，咁耐冇食宵夜果然冇令我失望

⭐️小時候⭐️📍:尖沙咀科學館道14號新文華中心地下15號舖今日去咗尖沙咀行街 見到呢間新開嘅小食店 就買咗啲宵夜外賣返屋企比屋企人食🥰 佢哋6:00開門 凌晨四點先關門㗎👍🏻真係啱晒我呢啲夜鬼！佢哋呢度小食嘅款式都幾多 有牛雜、各款碗仔翅、魚蛋燒賣、炸物 仲有最令我驚喜嘅蠔餅🙈呢度既老闆非常之友善🙈食物都係即叫即做 等候需時！🦪皇牌潮式煎蠔餅難得呢度有蠔餅 梗係要試吓啦 煎得好香脆 唔算好油 蠔粒好大好肥美 蛋香味濃 好足料大塊😍上面仲鋪咗啲芫荽做點綴！🐮招牌街頭五香牛雜呢度嘅牛雜好令我驚喜 有齊晒多款牛嘅內臟 仲有蘿蔔添 最鍾意食牛肺 好入味軟淋 又有氣管好爽口👍🏻🍗脆皮生炸大雞髀老闆話特登揀隻大嘅俾我 一拎到返屋企嚇親 連個盒都裝唔晒 大過我兩隻手掌🖐️ 咁大隻雞髀 雖然好厚肉 但係肉質出奇地嫩滑！！雞皮炸到卜卜脆 但係有唔會好油膩 呢款真係必叫！🥣竹笙雞絲翅用料非常足料！用咗雞絲、冬菇、竹笙、木耳等製成 口感好順滑 仲加咗紅醋 食落好惹味無味精🥰🐟多春魚多春魚燒得好惹味 唔腥 返到屋企食仲暖暖地👍🏻#宵夜 #宵夜首選 #尖沙咀 #尖沙咀美食 #hkfoodie #foodie #小時

最近晚市堂食放寬🍴尖沙咀嘅夜晚終於有番啲人氣💥而鍾意周圍去嘅我🐱當然要去湊下熱鬧🎀途經尖東小食街🍢就梗係要支持吓小店😚🔸竹笙雞絲翅（$35）竹笙雞絲翅用料相當豐富😍有嫩滑雞絲🐔入味香菇🍄爽脆木耳等👀碗仔翅口感順滑👍🏻鮮味十足🏵絕對係encore首選🏆🔸潮式蠔餅（$40）蠔餅煎得金黄鬆脆🔥蛋香味相當濃郁🥚蠔粒亦非常鮮香肥美💛再以芫荽🍀胡椒粉等調味😽令人一試難忘🙌🏻🔸烤生蠔（$100/5隻）生蠔鮮嫩滋味🦪配搭大量蒜蓉一同入口🧄蒜香味瞬間充滿口腔😋價錢更係相當實惠💰難怪成為熱門小食之一☝🏻🔸多春魚（$30/6條）多春魚燒得惹味可口🐟酥嫩而不腥😎熱焫焫食味道更為吸引🎊誠意推介🏅

小時侯學生時代回憶是最美好開心的,一放小息就去衝去操場打波。餓時或放學, 正值發育期的我, 小食亭是我醫肚的地點。一串燒賣魚蛋, 三文治陪的走過小學中學的時代。港式街頭小食是情意結也是, 買左一大袋返去, 同女朋友一齊回味做宵夜。滷水大鷄脾$ 35 ,比女朋友食架, 鐘意食啖啖肉雞脾 食得津津有味, 有豉油香味。海鮮系列：酥炸蠔珠 $50, 見佢即炸, 而唔係炸定到有ORDER 時再翻炸, 蠔保持到水份肉質唔會乾身。秋刀魚 $30 好完整一大條, 又唔會魚腥味。回憶系列:咖哩魚蛋 $13 由細食到大, 個咖哩汁混得好夠味, 唔會係得黃色而無咖哩味。同埋都幾抵食, 過口癮一流。韭菜豬紅$35 韭菜多, 自己可以再落胡椒粉仲好味。豬紅五香牛雜 $30牛雜部位有牛肚, 牛根, 牛, 一碗可以解為食, 當宵夜岩岩好又唔會太滯消化唔到。

當夜晚開OT做到崩潰之時☹️，我行咗去尖東散心。疫情過去條街終於有返啲人氣，行經見到小食店「小時候」有開就幫襯吓。佢主要做晚市生意同宵夜，日頭就唔開。老闆娘好友善，見我眼望望就主動介紹有乜好食。其實店舖內外都貼滿食物相片，店家非常有心機呢👍。食物定價唔貴，而且樣樣經典，有齊多年來屬於香港人嘅回憶小食🇭🇰。食物即叫即整唔馬虎，所以都要等陣啊。竹笙雞絲翅($35)，湯羹最重要係夠熱🔥，同埋唔可以滾到潺晒，佢當然做得到！但略嫌唔算太多料。招牌街頭五香牛什($30/小)，🐮牛什超級入味，每件都醃得好甘香，五香味極濃。牛什種類齊全，有牛腩、牛肚、牛肺、牛膀同牛腸等。佢另外仲搭多兩粒魚蛋同蘿蔔添。皇牌潮式煎蠔餅($40)，🦪蠔餅造型精緻吸引，啱啱炸起金黃色。由於係潮州整法，所以加入咗木薯粉，質感帶點煙韌。蠔仔處理得好好，鮮甜冇腥味、冇殼，雖然細粒但都肥美。韭菜豬紅($35)，估唔到小店都有得食呢樣潮州打冷😳。豬紅氣味唔腥，韭菜香突出，食起上嚟口感都算細嫩爽滑。營多撈麵套餐($30)，營多麼需要你🍜🤣，唔好以為簡單嘢就度度都一樣味，老闆娘手墊掂，味道明顯好食過便利店嗰啲。套餐跟配兩樣餸，我要咗鹽酥雞🐔

尖東新文華中心一帶有好多小食店，今晚嚟到買外賣回家做晚餐，見到有間外賣店叫💞小時侯，餐牌好多選擇，即刻揀咗幾款。外賣店叫小時候，我唸應該系因為提供的食物，😋都系懷舊小食， 充滿童年回憶。🌭原味台灣腸 $20 囡囡最鍾意食， 叫咗4條返去同家人分享。燒得香脆，味道正宗。❤️🐔竹笙雞絲翅$35 食到竹笙絲，雞絲，材料豐富，喺兒時碗仔翅味道。🍗滷水大雞髀$35 滷水香濃，非常入味，雞髀肉嫩滑， 食得津津有味。🐂牛肉串$20燒得好香，juicy又唔乾。🐟 秋刀魚 $30即叫即燒，心機之作，外皮脆卜卜😍👍