新南苑私房菜

营业中

休息中

今晚相约老朋友食饭，去左尖沙咀新南苑私房菜度打边炉，贪佢地点方便就脚，而且有180分钟任食，可以慢慢食，最怕赶头赶命。我地点了牛牛餐，系最平的180分钟餐。跟餐有冰镇鲍鱼，仲有刺身拼盘。鲍鱼好入味，好结实弹牙，好食！刺身都好厚肉新鲜！之后我地要左鸡煲，有半只鸡，都好滑，鸡煲味道调教得不错，不太辣又惹味！之后拣左冬瓜盅汤底，几有趣！而且比想像中鲜甜！牛肉拼盘，有M9澳洲射和牛，美国 极上牛肉， 熊本一口牛和中国安格斯牛小排和本地手切牛颈脊！牛肉卖相普通，但食落牛肉味浓，口感不错！丸黎讲，各款丸都唔错， 唔系粗制滥造丸！ 个人几钟意 猪骨浓汁贡丸和虾丸，真弹牙有咬口！饮品选择多，仲有自家制茶品，雪糕雪条就普通d, 雀巢牛奶公司为主。