影片
更多
2024-07-03
208 浏览
今次嚟尖沙咀iSQUARE食久违嘅潮州菜喇❣️餐厅环境有别于一般传统潮州菜馆装修时尚雅致，坐得舒适门口隔离仲有个吧枱位可以坐唔止装修新潮，连菜式摆盘及调味都系较为新颖✨菜式以偏向中西合璧嘅fusion菜为主不过餐牌内亦有传统潮州菜式可以选择嚟之前最好就订位，星期日晚去都几乎满座👀✦ 五小福 $240✦ 红烧潮州翅 $368✦ 椒盐白饭鱼 $168✦ 卤水墨鱼 $238✦ 翡翠汁煎焗黄花鱼扒 $168✦ 层出不同 $288✦ 方鱼芥兰 $138✦ 晶莹桂花糕 $58✦ 花茶｜瑰荔堂皇 $38p.p.先食五小福小食拼盘，综合五款潮州小食✋椒麻糖心带子呈半熟状态，软嫩鲜甜配上翠绿色椒麻酱带来味觉刺激，又唔会太辣酒香醉鲍鱼弹牙爽口，酒香入味炸粿肉貌似平平无奇，外皮香脆可口，内馅饱满话梅凉瓜浓郁梅香，话梅嘅酸甜味降低苦瓜嘅苦味，几开胃最估唔到系串茄中内藏核桃沙律，有些少惊喜镇店之宝红烧潮州翅做紧推广价，当然要叫返碗鱼翅足足有2両👍 粗身软糯高汤汤汁胶质重且浓稠，一饮就知足料仲有个底有蜡烛座住保持温度，非常贴心椒盐白饭鱼酥脆金黄洒上椒盐，香气十足惹味非常，送饭一流🤫 好快就食清光 卤水墨鱼肉厚爽脆，
餐厅环境有别于一般传统潮州菜馆
装修时尚雅致，坐得舒适
门口隔离仲有个吧枱位可以坐唔止装修新潮，连菜式摆盘及调味都系较为新颖✨
菜式以偏向中西合璧嘅fusion菜为主
不过餐牌内亦有传统潮州菜式可以选择
嚟之前最好就订位，星期日晚去都几乎满座👀
✦ 五小福 $240
✦ 红烧潮州翅 $368
✦ 椒盐白饭鱼 $168
✦ 卤水墨鱼 $238
✦ 翡翠汁煎焗黄花鱼扒 $168
✦ 层出不同 $288
✦ 方鱼芥兰 $138
✦ 晶莹桂花糕 $58
✦ 花茶｜瑰荔堂皇 $38p.p.
先食五小福小食拼盘，综合五款潮州小食✋
椒麻糖心带子呈半熟状态，软嫩鲜甜
配上翠绿色椒麻酱带来味觉刺激，又唔会太辣
酒香醉鲍鱼弹牙爽口，酒香入味
炸粿肉貌似平平无奇，外皮香脆可口，内馅饱满
话梅凉瓜浓郁梅香，话梅嘅酸甜味降低苦瓜嘅苦味，几开胃
最估唔到系串茄中内藏核桃沙律，有些少惊喜
镇店之宝红烧潮州翅做紧推广价，当然要叫返碗
鱼翅足足有2両👍 粗身软糯
高汤汤汁胶质重且浓稠，一饮就知足料
仲有个底有蜡烛座住保持温度，非常贴心
椒盐白饭鱼酥脆金黄
洒上椒盐，香气十足
惹味非常，送饭一流🤫 好快就食清光
卤水墨鱼肉厚爽脆，卤得入味伴碟仲有卤水豆腐，索晒卤水汁，正😋
翡翠汁煎焗黄花鱼扒卖相讨好
厚身黄花鱼扒外皮香口🐟
搭配青绿嘅菠菜汁带点清新感觉
调味简单美味唔觉腻
层出不同系由唔同材料堆砌而成嘅炒饭
色彩鲜艳，食到有炸芋头、蚬肉、瑶柱丝等
味道咸鲜，炒得干爽粒粒分明
加埋紫椰菜令呢道菜添上松脆口感
食咗咁多嘢无理由唔叫碟菜㗎
呢碟方鱼芥兰系经典潮州菜
方鱼即系大地鱼，亦即系左口鱼干💁♀️
加入方鱼有提鲜效果，令芥兰更香
桂花糕造型系玫瑰花形状🌹
渐变颜色好靓好适合打卡
桂花糕冰凉清甜，淡淡桂花清香
系作为饭后清清味蕾嘅不二之选
张贴
