焱丸水產

营业中

休息中

今日约咗朋友去食日整本嘢，上网见到焱丸水产，环境好有日本居酒屋feel，就决定食佢啦！🌟焱丸活贝大盛 👉🏻入面有鲍鱼、生蚝、蚬肉同帆立贝，店员帮手烧，负责等食就ok！不得不说，呢度嘅海鲜真系新鲜，鲍鱼仲郁紧㗎！鲍鱼烧到啱啱好，肉质好鲜嫩；生蚝饱满多汁；蚬肉胀卜卜，味道鲜甜。最有惊喜系帆立贝，调味出色，肉质弹牙！🌟渔师2人前盛👉🏻刺身有油甘鱼、吞拿鱼腩、吞拿鱼、牡丹虾、赤贝等等，牡丹虾口感滑嫩鲜甜；吞拿鱼腩同吞拿鱼食落带有鱼油脂嘅甘香；而且每件刺身都系厚切，超正🌟蟹味噌甲罗烧👉🏻入面多咗蟹籽脆脆嘅口感，食落层次好丰富，加埋清爽嘅青瓜丝，好味！