立鮨 (金馬倫廣場)

营业中

休息中

今日去咗尖沙咀见客 之后再同埋个客一齐去食饭 由于系客嘅关系 所以佢话食乜就食乜啦 行过呢间立鮨寿司 见到都几有特色 价钱大众化但系要企喺度食 几有日本立食风 我哋两个都系后生仔就冇所谓 所以就决定入去食一个厨师发板嘅餐秋刀鱼鱼刺身 有啲人话秋刀鱼本身有种腥味 但系我又唔多觉 而且几有鲜味几鲜甜 可能因为食材新鲜嘅关系啦三文鱼腩刺身系我嘅最爱 脂肪分布非常之丰富 而且鱼味亦都好重海胆饭 就咁睇相就已经知道有几极上啦 用上新鲜空运到港嘅马粪海胆 鲜甜得嚟带少少甘味 配上日本珍珠米 简直系味觉嘅极致享受三文鱼子军舰寿司 本身三文鱼子有啲咸咸地 但系有紫菜同埋寿司饭 令到三文鱼子嘅味道同口感都提升咗鳕鱼白子军舰寿司 身为一个海鲜控 期间限定嘅白子点可以错过 口感好软滑 有淡淡嘅油脂香味 口感好清新安𩾌鱼肝寿司 好似未煎嘅鹅肝一样 油分丰富 但系安𩾌鱼肝口感实净少少 而且亦都好有深海鱼嘅香味大拖罗手卷 大拖罗油脂好丰富 少少葱花令到成个鱼嘅鲜味再突出多一个层次