三田製麵所 (K11購物藝術館) (裝修中)

夜晚大概9点2人入座，店舖基本上冇咩人唔洗排队。坐位唔太舒服，明明冇人都唔安排我地坐卡位。叫咗2个一人set，沾面/拉面+小食+饮品，300蚊卖单，唔算平。冻沾面几岀色，面底用粗面，份量可选择小中大，面够弹牙，食落唔会黐牙，酱汁够浓够热，配冻沾面温度啱啱好中和返。小食蟹饼外脆内软，炸粉唔会太厚，唯独馅料冇乜蟹味。拉面汤底浓郁，面都相对弹牙，配温泉蛋一流。整体食物质素几好，位置亦好方便，k11行岀门就见到，会再帮衬。