Siam 28 (中國保險大廈) (已結業)

FD一直有帮衬哩间铜锣湾分店，睇到佢开咗尖沙咀分店，约埋我一齐试试。分店装修得几有新意，满眼都系绿色，好清新TIM。龙眼冰，入口微甜，龙眼味好重，解辣一流。椰子蝶豆花沙冰，哩杯好靓，中间系椰子冰，下面系蝶豆花水，全部捞埋一齐，入口微冰，淡淡椰子味，好清爽。小食层层架，有沙爹鸡肉串，泰鸡翼，芝士虾饼，泰猪肉肠同埋素春卷五款，最钟意食沙爹鸡肉串，鸡肉有碳烤微香，入口有少少甜味，点埋沙爹酱好惹味。芝士虾饼，食果阵一定要小心，真会爆晒芝士出来。脆炸牛舌伴泰式海鲜酱，牛舌好大一份，皮炸到好脆，牛舌食落都好嫩，唔洗点酱已经好够味。泰式湿炒海鲜“停顿”之面，FD劲推荐哩款，造型又真系好得意，好似面条挂住系空中。海鲜品种都几丰富下，有虾，蚬同鱿鱼等，全部捞埋一齐食几好味。哩间餐厅真系唔错，以后尖沙咀又多一间泰国菜食堂TIM。