黑門水產すいさん (棉登徑)

营业中

休息中

之前有听同事介绍黑门水产，咁啱有日行过又见餐厅有位就入咗去试吓。刺身嗌咗两款，三文鱼同油甘鱼，两款刺身都好肥厚，油脂分布平均。本来想叫个时令秋刀鱼刺身，可惜当日已经卖晒。第一款前菜系「赤鬼海老天反卷」，即系炸虾卷，上面有足料嘅三文鱼籽同蟹籽，只虾炸得好香脆，加埋只酱相当满足。另外一款前菜系佢其中一款招牌菜式「黑门令大渔鱼子酱脆脆包」，喺块松脆嘅面包上面铺满各种新鲜刺身，有海胆、三文鱼籽、飞鱼籽、呑拿鱼蓉、蟹膏、牡丹虾，全部都好新鲜，咬落好过隐好满足。主菜叫咗四款，首先系「脆烧白穴子串」，烧到个皮脆卜卜，但仍然keep到啲肉汁。第二款系只「牛油烧帆立贝」，只帆立贝本身已经好肥美，落埋啲牛油去烧仲香。个「黑门令龙虾汤煮海鲜」份量虽然唔大，但系材料非常充足，啖啖都有浓郁嘅海鲜味。呢餐个精华⼀定就系个「黑门令蟹味噌甲罗烧」，影完之后职员就会放上个炉，烧完就将啲酱放上块梳打饼上面食，好creamy好浓郁好好食，好食到唔记得要影相。整体而言食物水准都好高，餐厅环境亦都好有feel，值得一试。