和道屋

营业中

休息中

今日同朋友去尖沙咀行完街，拣咗加连威老道一间叫「和道屋」嘅居酒屋食日式料理，一入去餐厅就见到非常吸睛嘅装修，系一条挂满日式灯笼嘅走廊，有个千与千寻嘅无脸男公仔坐咗喺张长凳上面，大家未入去餐厅就已经可以喺度打卡，行到去餐厅入面都系充满日式装潢，坐得非常舒服。我哋嗌咗个$988嘅A4和牛寿喜烧二人套餐，套餐包咗好多嘢食，包括渍物三款、刺身五点、火炙寿司四点、拖罗海胆刺身杯两杯、特盛A4和牛寿喜烧配稻庭乌冬同芝麻及绿茶雪糕各一客。如果觉得唔够喉，仲可以用$268追加A4和牛肉眼150g。渍物柚子醋腌萝卜非常爽口开胃，柚子味好出，萝卜腌得唔会太酸；酱油腌蕃茄嘅蕃茄都好清甜，苦瓜渍灭完之后嘅苦瓜一啲都唔苦，有种回甘嘅味道。刺身五点就有三文鱼腩、带子、吞拿鱼腩、油甘鱼同赤海虾，刺身尚算新鲜，食得出食材嘅鲜味。火炙寿司四点有火炙A4和牛寿司同火炙左口鱼边寿司各两件，和牛火炙后半生熟，配上蒜粒同葱花，咬落去重牛味同油脂味；左口鱼边火炙后迫晒啲鱼油出嚟，咬落去入口即溶。拖罗海胆刺身杯嘅配搭比较新奇，卖相吸引，顶层有鲜甜嘅海胆配咸香嘅鱼子酱，下层有满满嘅拖罗蓉，又有爽脆嘅三文鱼子做点缀，整体口感丰富。寿喜