YA鴨 (已結業)

今日同朋友嚟到尖沙咀呢间餐厅食饭聚会，餐厅嘅招牌系一只鸭，非常可爱，同佢打卡一流！大厨好用心机煮每一道菜，每一样都非常美味，我哋今日嚟呢度食牛肉大餐，有牛丸，牛腩，牛金钱肚和大肠，再加埋饮品，今餐非常丰富，牛气满满！小食🐂潮汕辣濑尿牛丸吖笨爽口弹牙濑尿牛丸，咬落去入边嘅肉汁和肉碎立刻流出来。大大粒嘅爆浆濑牛丸再加上餐厅秘制酱汁一齐食，滋味更上一层楼。主食🐂经典古法牛腩捞粗呢度充满港式风味嘅牛腩捞粗，材料丰富味道十足，牛腩炆得够腍够入味，腩汁好味到舔舔脷，再加上爽滑弹牙捞粗面，粗面同牛腩嘅配搭一绝。🐂卤金钱肚拼大肠饭卤汁够晒滋味甜甜地越食越好味，用嚟卤金钱肚和大肠非常入味，而且金钱肚和大肠卤得非常腍，食落去松化好易入口，配埋一只糖心蛋，充满蛋香味，卤汁加鸡蛋加饭一齐食味道更好味！饮品🥛春暖花开你杯春暖花开呀好有诗意，佢系牛奶咖啡嚟嘅！颜色非常靓，雪白嘅牛奶上面放咗几块花瓣，白色同粉红色嘅构图非常有春天气息，再加上分开上嘅咖啡，可以俾我哋自己调配，又靓又有得DIY，非常赞！🍹鲜蜂蜜美式玛格烈呢杯先蜂蜜美式玛格烈同样好靓，佢系玛嘉烈酒加咖啡，系雪白嘅酒上面放咗柠檬和香叶，饮落去有好香嘅咖啡味