Ha Noi 越南菜

营业中

休息中

难得有几日假期, 星期六去左尖沙咀行街, 夜晚系附近商场揾左间餐厅食越南菜。餐厅位于商场地库, 唔算多人, 入到去好快揾到位。我哋叫左几款食物, 牛三宝汤河, 有生牛肉, 牛丸和牛展。牛肉肉质嫩滑和牛丸食落几弹牙, 而牛展整得几入味又有嚼劲。汤底由多种越式香料煮成, 牛味浓郁鲜甜。猪扒捞檬, 猪扒腌得好入味, 食落好惹味。我哋另外仲叫左几款小食, 软壳蟹好大只, 炸得好脆, 唔太油腻。鲜虾米纸卷, 入面有虾, 生菜和檬粉等材料, 配合特制酱汁, 味道好夹。