影片
更多
2024-04-17
957 浏览
🎤尖沙咀 边唱边打边炉 叹超正鲜甜卜卜蚬 一人一锅蕃茄龙虾汤 花胶鸡浓锅 🥢想打边炉同时又想唱K 饮嘢？ 最近发现位于尖沙咀诺士佛台的火锅店，可以同时打边炉边唱K , 仲可以用App 点歌上台唱K 一展歌喉，重点采用一人一锅火锅汤底，火锅配料食材都非常之高质，指定汤底仲可以任换，一边打边炉同时感受音乐气氛，店舖营业到凌晨三点，最啱同一班朋友一齐去轻松一下去 #K边🥢现场环境气氛好好，店内自设特大屏幕专业音响系统，舞台及灯光效果，可以一边打边炉同时欣赏 Live Music真心爽，只要下载 VSING App 就可以点歌同送礼物俾唱紧歌嘅朋友，上台唱歌收到嘅礼物分够500会触发喷雾烟柱，超有feel 的🥢卜卜蚬锅$268卜卜蚬上台时会加入啤酒，增加酒香层次感，睇住大大只肥美的蚬卜开非常疗愈，味道就同正宗澳门蒜香卜卜蚬香味，蚬肉肥美鲜味饱满，非常惹味🥢蕃茄龙虾汤（一人一锅）$98用上大大只有膏新鲜龙虾 , 龙虾肉爽脆鲜甜，用上新鲜蕃茄做汤底，鲜甜带龙虾香气，酸甜味道十足🥢花胶鸡浓汤（一人一锅）$98一定！一定！一定！要打边炉前饮汤先，花胶鸡汤味道超香浓惹味，感觉非常滋润养颜，仲跟了巨型爽
🥢想打边炉同时又想唱K 饮嘢？ 最近发现位于尖沙咀诺士佛台的火锅店，可以同时打边炉边唱K , 仲可以用App 点歌上台唱K 一展歌喉，重点采用一人一锅火锅汤底，火锅配料食材都非常之高质，指定汤底仲可以任换，一边打边炉同时感受音乐气氛，店舖营业到凌晨三点，最啱同一班朋友一齐去轻松一下去 #K边
🥢现场环境气氛好好，店内自设特大屏幕专业音响系统，舞台及灯光效果，可以一边打边炉同时欣赏 Live Music真心爽，只要下载 VSING App 就可以点歌同送礼物俾唱紧歌嘅朋友，上台唱歌收到嘅礼物分够500会触发喷雾烟柱，超有feel 的
🥢卜卜蚬锅$268
卜卜蚬上台时会加入啤酒，增加酒香层次感，睇住大大只肥美的蚬卜开非常疗愈，味道就同正宗澳门蒜香卜卜蚬香味，蚬肉肥美鲜味饱满，非常惹味
🥢蕃茄龙虾汤（一人一锅）$98
用上大大只有膏新鲜龙虾 , 龙虾肉爽脆鲜甜，用上新鲜蕃茄做汤底，鲜甜带龙虾香气，酸甜味道十足
🥢花胶鸡浓汤（一人一锅）$98
一定！一定！一定！要打边炉前饮汤先，花胶鸡汤味道超香浓惹味，感觉非常滋润养颜，仲跟了巨型爽口大花胶及新鲜鸡件，最钟意系一人一炉，钟意边个汤底自己嗌唔使争
👉🏻汤底任换
🥢潮汕沙嗲锅（一人一锅）$48
🥢麻辣鸭血豆腐锅（一人一锅）$48
留意到墙上海报写汤底任换，食咗咁多年打边炉第一次听，只要点指定汤底就可以任享受任换汤底嘅滋味，今次点了潮汕沙嗲锅及麻辣鸭血豆腐锅，估唔到沙嗲汤系咁香浓，根本就系平时专门食沙嗲火锅店𠮶只极浓嘅汤底，附有花生粒，同少少虾嘅香气，想饮晒个汤，非常惹味十分之推荐
🥢另外钟意食辣嘅朋友可以点麻辣汤，价钱咁平估唔到汤底内够足料仲有鸭血同豆腐，个人表示由于沙嗲汤实在太啱口味，真系唔舍得换咗佢，最尾加薯粉或公仔面索汤一洗，大推沙嗲汤底
🥢生牛肉刺身$248
生牛肉油花均匀，上面洒上了木鱼花，食法配上葱，姜粒，再点特制酸汁，入口牛肉质感软滑牛肉味香浓
🥢罐罐鱼籽墨鱼滑 $108.0用罐罐盛载住的鱼籽墨鱼滑，用上新鲜墨鱼打成，墨鱼味够鲜口感爽弹
🥢即炸手工紫菜响铃 $48.0
即炸的紫菜响铃，就咁食又得，浸一浸汤又得，点卜卜蚬个汤汁都几夹
🥢冰镇狮头肥鹅肠 $138
店员攞一盘冰加锤仔俾我，原来系冰镇鹅肠，用卜卜锤轻轻敲，鹅肠喺入面冰镇过特别爽脆，建议烚十几廿秒就得啦
🥢骰盅手打牛丸 $68
劲搞笑的一道菜，以为店员想同我玩骰盅，原来系我叫嘅手打牛丸，骰仔造型的牛丸系新鲜手打出嚟，口感爽弹之余仲带有丰富的牛肉牛油脂嘅香气
🥢钟意呢到打边炉又有得玩，价钱仲几抵食，重点一人一锅打边炉仲可以任换边炉概念几特别，火锅汤底好味又可以饮得，而且火锅料食材够新鲜，绝对系平时单点高质火锅店嘅感觉，有得玩有得食嘅火锅值得带埋钟意唱K 嘅朋友过来一试
张贴
