白色雪花之公主 (已結業)

难得一日既假期，当然要同另一半出去行街。天气热辣辣，行到成身汗就开始揾地方坐低身下嘢，降下温降温最好梗系食冰啦于是上网去揾下附近有咩地方有冰食，就揾到呢位“公主”睇餐牌时先发现，呢到既甜品材料都系韩国运过黎完全表现出餐厅诚意当然一黎梗系唔止食冰啦呢个店员推介既香炸鱼饼面，未上菜之前，会以为系炸到脆卜卜，细细份，纯粹够香口。原来系淋淋地，炸完仲食到鱼饼既味，份量超足仲要食极都食唔哂咁款嗜辣既我，一见到餐牌有呢个“辣味芝士年糕”就即叫忌廉汁够哂香浓仲带有少少芝士味，年糕烟韧好有咬口，而配料亦都足料，烟肉冬菇用牛油炒过，所以食落有少少牛油味但系，反而唔系好觉得有辣味，同埋会有啲“漏”。建议3个人以上先好点呢道菜蓝莓雪花冰系暂时出面未见过，咁当然要试一试先啦大大粒蓝莓完全变成一种象征，牛奶冰底够哂幼滑香浓，完全唔洗加炼奶都够哂浓。唔会吝啬既蓝莓果酱，连系内侧都仲有一层酱，唔会食到中间就得番啲雪花冰一个甜品当然唔够食啦再叫多个招牌既芝麻白雪蛋糕唔单单外层蛋糕有芝麻既香味，连入面既忌廉都有用到芝麻，再加埋滑溜既牛奶冻，令人食落唔会觉得单调