三日月

营业中

休息中

今日lunch係TST食鐵板燒，叫左個午市輕食，包沙律，主食，炒飯，味噌湯同埋甜品。餐廳環境好grand，坐係吧枱睇住師傅烹煮，一大視覺既享受。而且店員服務周到，整體感覺好好。沙律係用左柚子醋，食落好fresh，好開胃。主菜我簡左肉眼薄燒卷，中間師傅會加入菇類，再用牛肉片包住，煮緊個陣已經覺得好香! 肉眼薄燒卷好juicy，好香牛既油脂味，可以配搭海鹽或黑胡椒。鐘意重口味少少既仲可以點餐廳提供既麻醬/面豉醬。之後就到炒飯，炒飯粒粒分明，夠曬乾身，好香口! 食完之後仲有面豉湯暖下胃。到最後就係甜品，我轉左多士。師傅好有心機畫左幅畫，有香檳圖案，好靚，絕對係誠意之作。多士表面有砂糖同埋玉桂，食落好香，外面焦脆，食落甜甜地，好滿足。