影片
更多
2023-02-14
580 浏览
放工心血来潮想食韩国嘢🇰🇷，喺尖沙咀返工就最方便不过，因为成条街都系韩国餐厅。今日想食料理类，而唔系烤肉，所以就拣咗「南大门3号」。门口有个韩国叔叔热情招客，餐厅面积好细，得大约廿几个座位，而且满座就有少少迫。不过正正因为咁，小店真系有啲似首尔嘅店😜。呢度嘅三款前菜分别系泡菜、芽菜同埋茄子。🌶泡菜够辣够酸、好开胃；相反大荳芽就麻麻，因为无乜味。🍆茄子几正，肉嫩多汁，而且呢款系比较少见嘅前菜。我哋两个人嗌咗三碟嘢，估唔到份量咁多，食完呢餐都经已饱到食唔落甜品🙈！雪浓牛骨汤($110)，汤品味道同韩国当地食到嘅好类近，🦴牛骨汤煮至奶白色，唔油腻、无添加味精，整体偏清淡，先至系正宗口味。🐮汤入面有唔少牛肉，另外仲加入咗面线，再加上原来锅物配送一碗白饭🍚，可算系饱上加饱！不过如果面线换上粉丝更佳。铁板烤酱腌牛肋骨($168)，🥩牛肋骨有好多件，堆到成座山咁，啱晒食肉兽。牛肋肉肉质软腍，就算连住骨𠮶啲都好易食。虽然话系酱腌，不过调味一啲都唔重口味，并无盖过牛肉本身嘅肉香，而且用铁板上就令佢多一份烧烤嘅香气🔥。水冷面($92)，虽然天气冻，但无阻我对水冷面嘅热爱❄️🍜。荞麦面条口感烟韧，即使配料只得
放工心血来潮想食韩国嘢🇰🇷，喺尖沙咀返工就最方便不过，因为成条街都系韩国餐厅。今日想食料理类，而唔系烤肉，所以就拣咗「南大门3号」。
门口有个韩国叔叔热情招客，餐厅面积好细，得大约廿几个座位，而且满座就有少少迫。不过正正因为咁，小店真系有啲似首尔嘅店😜。
呢度嘅三款前菜分别系泡菜、芽菜同埋茄子。🌶泡菜够辣够酸、好开胃；相反大荳芽就麻麻，因为无乜味。🍆茄子几正，肉嫩多汁，而且呢款系比较少见嘅前菜。
我哋两个人嗌咗三碟嘢，估唔到份量咁多，食完呢餐都经已饱到食唔落甜品🙈！
雪浓牛骨汤
$110
34 浏览
0 赞好
0 留言
雪浓牛骨汤($110)，汤品味道同韩国当地食到嘅好类近，🦴牛骨汤煮至奶白色，唔油腻、无添加味精，整体偏清淡，先至系正宗口味。🐮汤入面有唔少牛肉，另外仲加入咗面线，再加上原来锅物配送一碗白饭🍚，可算系饱上加饱！不过如果面线换上粉丝更佳。
铁板烤酱腌牛肋骨
$168
19 浏览
0 赞好
0 留言
水冷面($92)，虽然天气冻，但无阻我对水冷面嘅热爱❄️🍜。荞麦面条口感烟韧，即使配料只得青瓜丝、雪梨、鸡蛋同一片叉烧，不过配以醋同芥辣食，已经几好味道。
总括嚟讲，呢间韩国餐厅各方面都唔错👍，佢并非华丽嘅打卡店，但都咁多人帮衬，你就知大家都系为咗佢嘅嘢食而来。题外话，呢度落单方式好得意，系自己喺纸上面写号码，因为店员真系韩国人嚟㗎☺️。
张贴
