影片
更多
2024-04-27
162 浏览
朋友就嚟结婚，最近成日周围睇场、佢话睇啱咗呢一间，觉得成个场地冇咩柱位，又长长方楼底够高，应该摆婚宴会几靓，但系冇食过佢哋啲嘢食，所以就捉咗我去一齐试下。.第一次嚟到，确实场地就好似佢咁讲，够大摆到好多枱之余，夜晚嘅尖沙咀景色都好靓，而且有露台可以比客人影相。.餐牌选择都几多，晚市时间有各类型嘅套餐、孖宝等等，最近仲有做紧顺德菜推介，心大心细想试多啲款式嘅我哋最后就拣咗套餐C，每位398，一共有八道𩠌，啱晒我哋呢啲想试多款式嘅人。.🥢前菜：星海三小福所谓嘅星海三小福，其实就系蜜汁黑豚肉叉烧、拍蒜青瓜及舟山芝麻海蜇。海蜇厚身弹牙，微辣嘅调味香而不呛喉；蜜汁黑豚肉叉烧调味香香甜甜，豚肉肥瘦适中；前面两样一辣一甜，而青瓜就系以醋及蒜蓉调味，酸酸地几开胃。.🥣汤品：精选丰料炖汤每位一盅嘅炖汤非常足料，里面有大量瘦肉薏米及螺头，清甜清甜的，系类似饮鸡精𠮶种浓郁感觉。.🦐美极干煎深海大虎虾：珍宝size嘅虎虾质感非常爽弹，虾膏好甜，近虾头嘅位置，咬落去几乎有食紧龙虾嘅感觉，加埋美极嘅调味，一人一只令我哋意犹未尽，基本上食完呢一道𩠌之后，朋友就confirm咗拣呢一间做结婚场地。.🐖鲜菠萝拔丝脆皮咕
.
第一次嚟到，确实场地就好似佢咁讲，够大摆到好多枱之余，夜晚嘅尖沙咀景色都好靓，而且有露台可以比客人影相。
.
餐牌选择都几多，晚市时间有各类型嘅套餐、孖宝等等，最近仲有做紧顺德菜推介，心大心细想试多啲款式嘅我哋最后就拣咗套餐C，每位398，一共有八道𩠌，啱晒我哋呢啲想试多款式嘅人。
.
🥢前菜：星海三小福
所谓嘅星海三小福，其实就系蜜汁黑豚肉叉烧、拍蒜青瓜及舟山芝麻海蜇。海蜇厚身弹牙，微辣嘅调味香而不呛喉；蜜汁黑豚肉叉烧调味香香甜甜，豚肉肥瘦适中；前面两样一辣一甜，而青瓜就系以醋及蒜蓉调味，酸酸地几开胃。
.
🥣汤品：精选丰料炖汤
每位一盅嘅炖汤非常足料，里面有大量瘦肉薏米及螺头，清甜清甜的，系类似饮鸡精𠮶种浓郁感觉。
.
🦐美极干煎深海大虎虾：
珍宝size嘅虎虾质感非常爽弹，虾膏好甜，近虾头嘅位置，咬落去几乎有食紧龙虾嘅感觉，加埋美极嘅调味，一人一只令我哋意犹未尽，基本上食完呢一道𩠌之后，朋友就confirm咗拣呢一间做结婚场地。
.
🐖鲜菠萝拔丝脆皮咕噜肉：
咕噜肉肉质弹牙，3分肥7分瘦炸皮够薄，好食得来又唔会觉得佢太邪恶，搭配嘅三色椒同新鲜菠萝亦是爽脆多汁。
.
🐟碧绿珍菌炒龙趸球：
荷兰豆冇咩渣，清甜爽脆，菇菌则带有少少酱油香气，令到鲜味嘅龙趸球多了几分蔬菜嘅清新感。
.
🥦蚝皇八头鲍鱼伴西兰花：
调味系好标准嘅调味，同坊间大部份呢道𩠌菜嘅调味差不多。但系重点系佢哋嘅用料有明显食得出几高质，鲍鱼同冬菇本身各自嘅鲜味好突出，果然酱料只系配角，食材嘅本身先系主角，主角拣得好，基本上就会稳阵高质。
.
🥄瑶柱翡翠蛋白炒饭：
好简单嘅炒饭，但系却被我们两个一扫而光，饭粒粒粒分明，软滑嘅蛋白加上爽脆嘅切粒菜心，微微油润，但不过于油腻，不错。
.
🥢红烧皇子乳鸽$68:
呢个乳鸽系套餐以外，我哋由于见到好多人order，所以忍唔住另外加钱叫嘅，价钱好抵食，本身冇预佢太大只，点知嚟到成个size比想像中大，乳鸽亦都好厚肉。表面烧得纸薄香脆，里面嘅肉柔嫩多汁，私心推介，我哋两个都觉得好好食。
.
🥭精美甜品：
甜品是芒果椰丝奶油卷，佢哋嘅奶油好特别，带有少少实身，有啲似食紧传统中式酒楼棉花糖嘅感觉，而且唔会好甜。
张贴
