影片
更多
2025-01-22
67 浏览
餐厅：梵日本烧鸟（尖沙咀）地址：尖沙咀厚福街8号H8 22楼正宗日籍店员同师傅驻场嘅串烧店！上次食过超正体验，今次又嚟食，试下啲唔同嘢，唔系周末夜晚都咁多人，如果大家有兴趣去真系要预约或者早啲到，坐吧台仲可以睇住师傅精心烧烤。~梵师傅精选套餐有两款，呢款就有10串串烧，MENU冇特别写明有咩食，おまかせ食法，款类超多！师傅会一款款咁上，所以每串都热辣辣同埋肉好大块，大部分都系烧鸡或者鸡内脏，无论鸡肾鸡心都好大粒好新鲜，一口咬落去啲汁系渗出嚟，一啲都唔会觉得Dry。呢个套餐仲有一个特制烧饭团，烧到饭团脆脆口，包住紫菜咬落去真系幸福感满溢！~牛舌专登额外再落咗啲串烧，首选当然系牛舌，口感弹牙，厚身得嚟熟度啱啱好！如果中意再熟少少嘅可以同师傅讲。~照烧鹅肝师傅推荐Menu之一，上次试过芝士鹅肝，今次试下照烧汁，鹅肝都系大大块，唯一唔同就系日式照烧汁𠮶阵焦香味同鹅肝外脆内软嘅口感完美融合，呢个价钱值回票价！~鱿鱼一夜干上次啱啱喺札幌食过一次一夜干，近几年都好受欢迎嘅北海道烹饪方式，难得喺香港见到当然唔可以错过，鲜味一啲都冇流失到，好大只，切开一片片都好方便食，配埋蛋黄酱同我喺日本食真系冇咩分别
地址：尖沙咀厚福街8号H8 22楼
正宗日籍店员同师傅驻场嘅串烧店！上次食过超正体验，今次又嚟食，试下啲唔同嘢，唔系周末夜晚都咁多人，如果大家有兴趣去真系要预约或者早啲到，坐吧台仲可以睇住师傅精心烧烤。
~梵师傅精选
套餐有两款，呢款就有10串串烧，MENU冇特别写明有咩食，おまかせ食法，款类超多！师傅会一款款咁上，所以每串都热辣辣同埋肉好大块，大部分都系烧鸡或者鸡内脏，无论鸡肾鸡心都好大粒好新鲜，一口咬落去啲汁系渗出嚟，一啲都唔会觉得Dry。呢个套餐仲有一个特制烧饭团，烧到饭团脆脆口，包住紫菜咬落去真系幸福感满溢！
~牛舌
专登额外再落咗啲串烧，首选当然系牛舌，口感弹牙，厚身得嚟熟度啱啱好！如果中意再熟少少嘅可以同师傅讲。
~照烧鹅肝
师傅推荐Menu之一，上次试过芝士鹅肝，今次试下照烧汁，鹅肝都系大大块，唯一唔同就系日式照烧汁𠮶阵焦香味同鹅肝外脆内软嘅口感完美融合，呢个价钱值回票价！
~鱿鱼一夜干
上次啱啱喺札幌食过一次一夜干，近几年都好受欢迎嘅北海道烹饪方式，难得喺香港见到当然唔可以错过，鲜味一啲都冇流失到，好大只，切开一片片都好方便食，配埋蛋黄酱同我喺日本食真系冇咩分别。
~日本产有机香茜豚肉锅
上次食完一直挂住，啲香茜真系好香，不愧系日本直送有机农产品，当汤咁饮，一锅够三个人饮。
串烧真系好需要技巧，味道服务都一流，如果想喺尖沙咀食有夜景嘅高质串烧，呢度一定系不二之选！
张贴
