影片
更多
2021-11-21
130 浏览
之前食过几间斋菜，都偏中式，而呢间就中西都有，试咗几样嘢味道都好好味，真心唔错。仲有一人餐、四人餐，几个人聚会都ok。套餐包前菜两款紫薯红菜头波波，呢个沙律比较西式，紫薯同埋红菜头本身都有少少甜味，加上佢嘅酱汁几开胃，上面有苜蓿芽，好fresh。另一款就偏中式，新鲜嘅莴笋加埋黑木耳，酱汁带有少少麻辣，刺激味蕾。套餐包一款手卷，二选一我拣咗芒果牛油果苜蓿芽手卷，原来以为会好奇怪，入面都系苜蓿芽，点知食落好好味，有惊喜，佢嘅苜蓿芽有加少少沙律酱，所以唔会觉得好生，而且用芽菜代替米饭，唔会滞。汤，一中一西，二拣一我就拣咗中汤，姫松茸竹笙黄耳百合炖汤。汤劲足料，有几种唔同嘅菇，所以好鲜甜，原来唔需要肉都可以炖到好好饮嘅汤。主菜六选一我拣咗牛肝菌松子菠菜忌廉意大利饭配吉列牛油果。个饭好好味呀，首先系入面好多菇，好香，仲有啲煮到好冧好入味嘅菠菜，加上香浓忌廉汁，好好味😋另外吉列牛油果都好香脆，正。甜品都有几款选择，我就选择加$28转千层蛋糕，今期系椰香紫薯味，啲cream又整得几滑几好味，同出面买嘅甜品店有得挥😊食斋其实都可以食得好好，餐厅将啲菜同菇处理得好好，带出佢哋本身嘅鲜味同香味，而且食物多
之前食过几间斋菜，都偏中式，而呢间就中西都有，试咗几样嘢味道都好好味，真心唔错。仲有一人餐、四人餐，几个人聚会都ok。
套餐包前菜两款
紫薯红菜头波波，呢个沙律比较西式，紫薯同埋红菜头本身都有少少甜味，加上佢嘅酱汁几开胃，上面有苜蓿芽，好fresh。
另一款就偏中式，新鲜嘅莴笋加埋黑木耳，酱汁带有少少麻辣，刺激味蕾。
套餐包一款手卷，二选一
我拣咗芒果牛油果苜蓿芽手卷，原来以为会好奇怪，入面都系苜蓿芽，点知食落好好味，有惊喜，佢嘅苜蓿芽有加少少沙律酱，所以唔会觉得好生，而且用芽菜代替米饭，唔会滞。
汤，一中一西，二拣一
我就拣咗中汤，姫松茸竹笙黄耳百合炖汤。汤劲足料，有几种唔同嘅菇，所以好鲜甜，原来唔需要肉都可以炖到好好饮嘅汤。
主菜六选一
我拣咗牛肝菌松子菠菜忌廉意大利饭配吉列牛油果。个饭好好味呀，首先系入面好多菇，好香，仲有啲煮到好冧好入味嘅菠菜，加上香浓忌廉汁，好好味😋另外吉列牛油果都好香脆，正。
甜品都有几款选择，我就选择加$28转千层蛋糕，今期系椰香紫薯味，啲cream又整得几滑几好味，同出面买嘅甜品店有得挥😊
食斋其实都可以食得好好，餐厅将啲菜同菇处理得好好，带出佢哋本身嘅鲜味同香味，而且食物多样化，下次可以试其他菜式。
张贴
