影片
更多
2022-10-04
609 浏览
位于加连威老道地舖，开业咗大约半年嘅川洒舍，系我近期食过数一数二高质素既食店，这里简单嚟讲系一间居酒屋，主打串烧，烧烤，种类繁多，猪，牛，羊，鸡，海鲜，蔬菜，炸物，主食都有，当然唔少得摸吓酒杯底饮两杯，清酒啤酒当然都系主打👍🏻这里地方唔太大，一入门口一眼望晒，木系装修，充满日本风情，位置坐得非常舒服，分开吧枱及多张四人枱，播放住好多日文改篇嘅广东歌既日文版，气氛超级好，听住熟悉嘅歌曲好有共鸣，真系想唱埋一份😎▪️是日晚餐二人前，食下串烧饮吓酒，不知不觉又食咗好多嘢🤭🐠海鲜▪️烧白鳝 $ 68烧白鳝皮脆，肉质厚身，爽口又弹牙，非常鲜味▪️蒜烧日本广岛𧐢 $ 78必食推介，新鲜生蚝大只又饱满，味道鲜甜，好Juicy 充满𧐢汁，配合埋蒜蓉少少辣椒，够惹味▪️盐烧日本鲭鱼 $ 78日本鲭鱼特别大条肥美好厚肉，烧到鱼皮香脆，肉质充满肉汁，加上柠檬汁，好好食🐔鸡▪️免治鸡肉棒 （2串）$ 60自家制手打鸡肉棒，鸡肉爽口弹牙，食到粒粒鸡软骨，口感爽脆，配合埋烧汁日本蛋黄，美味▪️脆脆鸡皮串 （2串）$ 50日本直送鲜鸡皮，外皮香脆，口感仍然食到鸡皮嘅脂肪，鸡油满泻，味道咸香，最钟意食呢种状态嘅既鸡皮▪️惹味鸡心串
位于加连威老道地舖，开业咗大约半年嘅川洒舍，系我近期食过数一数二高质素既食店，这里简单嚟讲系一间居酒屋，主打串烧，烧烤，种类繁多，猪，牛，羊，鸡，海鲜，蔬菜，炸物，主食都有，当然唔少得摸吓酒杯底饮两杯，清酒啤酒当然都系主打👍🏻
这里地方唔太大，一入门口一眼望晒，木系装修，充满日本风情，位置坐得非常舒服，分开吧枱及多张四人枱，播放住好多日文改篇嘅广东歌既日文版，气氛超级好，听住熟悉嘅歌曲好有共鸣，真系想唱埋一份😎
▪️是日晚餐二人前，食下串烧饮吓酒，不知不觉又食咗好多嘢🤭
🐠海鲜
▪️烧白鳝 $ 68
烧白鳝皮脆，肉质厚身，爽口又弹牙，非常鲜味
▪️蒜烧日本广岛𧐢 $ 78
必食推介，新鲜生蚝大只又饱满，味道鲜甜，好Juicy 充满𧐢汁，配合埋蒜蓉少少辣椒，够惹味
▪️盐烧日本鲭鱼 $ 78
日本鲭鱼特别大条肥美好厚肉，烧到鱼皮香脆，肉质充满肉汁，加上柠檬汁，好好食
🐔鸡
▪️免治鸡肉棒 （2串）$ 60
自家制手打鸡肉棒，鸡肉爽口弹牙，食到粒粒鸡软骨，口感爽脆，配合埋烧汁日本蛋黄，美味
▪️脆脆鸡皮串 （2串）$ 50
日本直送鲜鸡皮，外皮香脆，口感仍然食到鸡皮嘅脂肪，鸡油满泻，味道咸香，最钟意食呢种状态嘅既鸡皮
▪️惹味鸡心串 $ 28
鸡心口感带点嚼劲，烧汁好入味，配啤酒一流
▪️惹味鸡肝串 $ 28
从未食过咁大嘅鸡肝，师傅透露系日本某一只品种既鸡，口感非常柔润，有点像鹅肝，绝无骚味，非常出色
▪️汁烧鸡胸脆骨串 $ 32
脆卜卜嘅鸡胸骨，爽爽脆脆又入味，越食越想食
🐷 猪 & 牛🐮
▪️秘制果香牛肋条 $ 128
牛肋条切成牛肉粒，睇相都知道有几吸引，边位烧得香脆，中间肉部份仍然保持粉嫩，口感软腍，肉质满泻，味道带点点烧汁嘅香甜，好好食
▪️汁烧爽口猪颈肉 $ 68
猪颈肉切成薄片，肉质爽口弹牙，非常入味，一口一件，就咁食已经好好食，配合埋店舖自家制卖点点蒜香甜味嘅酱汁，更加惹味
🍙主食🥖面包🍲汤
▪️川洒舍炸饭团 $ 28
第一次食炸饭团，饭团外层系好似天妇罗嘅炸桨，好松脆，饭团本身有少少调味，配合埋千岛酱沙律酱，木鱼丝，紫菜，我好钟意食
▪️鲜鱼汤杂菜锅 $ 48
一定要点嘅推介，鱼汤呈奶白色状态，非常香浓嘅鱼味，好鲜甜鲜味，浸住豆腐，香菇，蔬菜，清甜又好味，我会为咗呢个汤再次返嚟😎
▪️烤焗蒜蓉包 $ 25
简单嘅蒜蓉包，焗得香脆，充满牛油蒜蓉香，正
🍍甜品
▪️脆脆焦糖菠萝 （两份） $ 50
呢个都系一定要食，烧菠萝非常多汁清甜，外层有一层脆脆焦糖香，更加甜蜜，系最佳嘅饭后甜品，好味到要叫两份
🍻🍹
▪️荔枝红冷泡茶 $ 28
这里有好多唔同饮品供应，最特别系自家制嘅冷泡茶，我选择左荔枝味，充满荔枝乌龙茶香，完全无糖，解渴好饮
▪️Orion 生啤 $ 68
生啤当然唔少得，呢度系用日本Orion 生啤，一边饮一边食串烧，好有响日本既感觉
✨一定会再回访，食物质素高，今日食过基本上全部都好好食，而且价钱非常合理，好适合一边食串烧，饮酒倾偈嘅好地方
张贴
