一遊

营业中

休息中

最近去左間位於尖沙咀諾士佛臺的日式料理店，入到去燈光偏暗，好有居酒屋咁chill的感覺。每日都有不同時令菜式，想知就要問店員。 🥗一遊沙律，除左一般的沙律菜之外，入面伴有珍珠、年糕，非常有口感。🦀蟹肉忌廉即叫即炸夠晒熱辣辣，外皮脆卜卜。刺身款式眾多，我地揀左當日時令的🐟平目魚刺身同🐚粒貝刺身。兩款刺身都非常新鮮，平目魚鮮甜，粒貝爽口。必點之選。 居酒屋氛圍，點少得串燒！揀左幾款串燒，包括🐷豚肉車厘茄串、🐥雞中翼、🐥雞肉京蔥串、🐥雞肉明太子串、🦐燒雞皮蝦。每款肉質都嫩滑爽口，味道唔會太咸，如果嫌味道唔夠仲可以弓七味粉調味。 怕唔夠飽，仲嗌多左份鰻魚飯，鰻魚粒粒都好有口感，醬汁帶甜而多，飯底偏濕潤。 揀了三款飲品，包括🍹海鹽荔枝梳打、🍎蘋果特飲、🍸清涼杜松子酒。三款都清爽微甜，杜松子酒的酒味都唔太濃。