影片
更多
2025-01-09
263 浏览
百乐潮州酒家花胶龙脷叶例汤入口清甜胶质重，龙脷叶味道清香，非常滋润嘅时令汤水虾多士虾多士炸得好脆口，面包脆索索，大虾夹花胶虾肉好爽口，虾肉同虾胶弹牙，但系虾味淡薄兼有啲油腻，唔够干身。红烧金山大鲍翅有得睇冇得食，见到都流口水！卤水拼盘猪大肠够腍又够入味，卤水淡淡清香渗透肥腻油脂香气，嘴𥚃充满强烈大肠特有滋味，口感软腍腍，系传统卤水大肠风味。卤水鹅肠煮得够腍，但系好爽脆带幽幽卤水味，虽然鹅肠味道较为淡薄，口感不同凡响，难得食到靓嘅卤水鹅肠，如果冰鲜鹅肠带埋肥膏，咁就天下无敌啦！垫碟嘅卤水豆腐质地较为粗糙，黄豆味淡薄兼且唔够滑嫰。卤水鹅掌翼鹅翼炆得够腍够香，鹅肉同埋鹅皮脂肪香味浓郁满溢，卤水冇盖过鹅肉味道，层次分明恰到好处。鹅掌皮脆嫩滑，狮头鹅皮够厚有咬口，但系唔会实掘掘，好味有水准嘅鹅掌翼。红炆花锦鳝皇经理提议嘅时令菜式，有十八斤重嘅花锦鳝，皮厚肥嫩肉鲜甜，入口细腻味道浓厚微微带黏口，火腩融合鳝肉味道强劲十足冇甩拖。垫底菜苗生菜连鳝汁进食，口感丰富味道互相配合，又系另外一种食法。瑶柱扒豆苗清爽有豆苗蔬菜香味，连干瑶柱一齐清淡带点点海鲜味道。糖醋面蛋面煎得好脆身，唔捞糖醋净食有淡淡嘅蛋面同
花胶龙脷叶例汤
入口清甜胶质重，龙脷叶味道清香，非常滋润嘅时令汤水
虾多士
虾多士炸得好脆口，面包脆索索，大虾夹花胶虾肉好爽口，虾肉同虾胶弹牙，但系虾味淡薄兼有啲油腻，唔够干身。
红烧金山大鲍翅
有得睇冇得食，见到都流口水！
卤水拼盘
猪大肠够腍又够入味，卤水淡淡清香渗透肥腻油脂香气，嘴𥚃充满强烈大肠特有滋味，口感软腍腍，系传统卤水大肠风味。
卤水鹅肠煮得够腍，但系好爽脆带幽幽卤水味，虽然鹅肠味道较为淡薄，口感不同凡响，难得食到靓嘅卤水鹅肠，如果冰鲜鹅肠带埋肥膏，咁就天下无敌啦！
垫碟嘅卤水豆腐质地较为粗糙，黄豆味淡薄兼且唔够滑嫰。
卤水鹅掌翼
鹅翼炆得够腍够香，鹅肉同埋鹅皮脂肪香味浓郁满溢，卤水冇盖过鹅肉味道，层次分明恰到好处。
鹅掌皮脆嫩滑，狮头鹅皮够厚有咬口，但系唔会实掘掘，好味有水准嘅鹅掌翼。
红炆花锦鳝皇
经理提议嘅时令菜式，有十八斤重嘅花锦鳝，皮厚肥嫩肉鲜甜，入口细腻味道浓厚微微带黏口，火腩融合鳝肉味道强劲十足冇甩拖。垫底菜苗生菜连鳝汁进食，口感丰富味道互相配合，又系另外一种食法。
瑶柱扒豆苗
清爽有豆苗蔬菜香味，连干瑶柱一齐清淡带点点海鲜味道。
糖醋面
蛋面煎得好脆身，唔捞糖醋净食有淡淡嘅蛋面同韭黄香气，冇碱水味道，捞埋醋糖一齐食口感同埋味道非常丰富特别。
杏仁茶芋泥
又系有得睇冇得食。
反沙芋
芋头够粉够干超松化，芋头香气满嘴，一啲都唔油腻，糖衣厚身脆口，甜味十足，冬天当造食芋头最好食。
酒楼布置开扬，装修简单，杯碟碗筷清洁干净，座位宽敞阔大。店员殷勤友善，服务招待有礼貌。Elements位置较为偏远，星期五晚上生意不俗多顾客。
张贴
