影片
更多
2024-06-24
416 浏览
日前同几个同事喺尖沙嘴见完客，大家都觉得有啲饿，就决定喺附近食个饭。咁啱一落楼就落大雨，而见客果栋大厦地下就有间装修几试正嘅「极上冰室」，就决定试下。呢度应该系新装修嘅，所以俾人好光猛好干净嘅感觉。店员都好勤快，我地四个人坐嘅卡位都几阔落。呢度menu选择都颇多，食物价钱喺尖沙嘴黎讲可以话算平。当晚我地散叫左以下几款钟意食嘅小菜：「咕噜肉」：卖相一流，酱汁酸甜适中。肉炸得啱啱好，唔会太鞋。「金银蛋时蔬」：上汤唔会太咸，菜几嫩，好味道！「三色椒一口牛」：黑椒一口牛好惹味好香，肉质好juicy！店员话咁啱无晒薯仔，但变相俾多左我最爱嘅三色椒，好耶！「蒸仓鱼」：健康之选，蒸鱼火候啱啱好，条鱼好滑。「煎蚝饼」：卖相吸引，啲蚝肉质饱满，而外层炸到金黄松脆，配埋鱼露一齐食非常过瘾！啤酒呢度都有好几款，500毫升生啤都只系$36！抵！
呢度应该系新装修嘅，所以俾人好光猛好干净嘅感觉。店员都好勤快，我地四个人坐嘅卡位都几阔落。
呢度menu选择都颇多，食物价钱喺尖沙嘴黎讲可以话算平。当晚我地散叫左以下几款钟意食嘅小菜：
「咕噜肉」：卖相一流，酱汁酸甜适中。肉炸得啱啱好，唔会太鞋。
「金银蛋时蔬」：上汤唔会太咸，菜几嫩，好味道！
「三色椒一口牛」：黑椒一口牛好惹味好香，肉质好juicy！店员话咁啱无晒薯仔，但变相俾多左我最爱嘅三色椒，好耶！
「蒸仓鱼」：健康之选，蒸鱼火候啱啱好，条鱼好滑。
「煎蚝饼」：卖相吸引，啲蚝肉质饱满，而外层炸到金黄松脆，配埋鱼露一齐食非常过瘾！
啤酒呢度都有好几款，500毫升生啤都只系$36！抵！
张贴
