尚盛潮州海鮮飯店

重游旧地😌约咗旧同事食饭，拣咗公司楼下嘅潮州菜「尚盛潮州海鲜饭店」，星期五晚黎到全场爆满座无虚席，同事话原来呢间就系上环老字号「尚兴」，难怪咁受欢迎啦🤭望一望个餐牌，以中环呢个地段价钱黎计认真抵食👍🏻店家除咗潮州卤水同小菜外，仲有鱼翅、海鲜、潮式粉面同甜品，今次试咗店家嘅几款招牌菜先🙌🏻潮州卤水鹅卤水鹅系店家嘅招牌菜，必点！例牌嘅份量已经整整一大碟鹅肉，卤水味道香醇，卤香味浓，同时亦保留鹅片本身嘅鲜味，绝对系一道考功夫嘅菜色，鹅肉肉质结实而不柴，啖啖肉👍🏻底下垫底嘅豆腐亦都够晒入味，中间口感嫩滑，两者一样出色😋潮州小炒试新野🤭大概就系潮式小炒皇咁样，用多种食材翻炒，有鱿鱼、猪肉、海蜇、青椒、芽菜、红萝卜、唐芹，口感非常丰富，爽脆清新鲜嫩，特别喜欢浓稠嘅芡汁，配搭米饭一流👍🏻沙茶牛肉香浓嘅沙茶酱配上鲜嫩嘅牛肉片，肉质软腍份量足，底下嘅芥兰碧绿爽脆，亦系一道非常下饭嘅菜式蚝仔粥我地嗌咗一锅蚝仔粥，每人大概分到三碗😆每粒蚝仔都胀卜卜，新鲜肥美，加入方鱼同肉碎令汤底更加鲜味，钟意食蚝嘅一定要试下😋绿豆爽食完仲有糖水送👍🏻绿豆已经煲到绵密起沙，美味又满足嘅一餐😋📍尚盛潮州海鲜饭店 (中环)中环德