影片
更多
2008-03-16
66 浏览
估唔到咁少食评, 呢间野系上水都应该叫做几有名& 有D历史. 街坊海鲜小菜馆, 环境不能有甚么要求, 至少伙计都几好服务. 当然, 呢种服务就梗系好爽好快果种而唔系五星级礼宾司果只. 点心廿四小时供应, 不过近一两年质素走下坡, 调味越来越差, 而且D肉既成份有五六成肥, 就算旧时兴食肥都无肥得咁交关, 因此点心前祈咪食. 相比下其他食物就真系几见得人, 如weekdays 既小菜客饭套餐, 例汤油菜一小菜一饭都只系28-32元. 比较差的是鱼香茄子, d 肉碎接近全肥, 汁太杰. 烧味类不错, 烧鸭叉烧和烧肉属中上水准. 鸡只系普通, 胜在不太肥, 沙姜味甚香, 霸王别鸡姜荵好食, 油鸡亦够味唔太咸. 当然啦天王级烧味店陈六记就在不远处, 其实是没必要在马仔记吃烧味的. 再唔系, 海港的烧鹅都顶得两嘴啦. 咁讲来讲去, 即系马仔记除普普通通既小菜之外有何好吃呀? 之唔系蒸鱼啰. 不可以和专食海鲜河鲜既地方比, 但系蒸鱼火侯控制得宜, 加埋质素称得上"可人" 的姜荵和豉油, 便很好下饭了. 到冬天就一定来食个醉鸡锅. 鸡就唔系特别出色, 但系个汤底好正, 好浓, 药材味足. 好多时食醉
街坊海鲜小菜馆, 环境不能有甚么要求, 至少伙计都几好服务. 当然, 呢种服务就梗系好爽好快果种而唔系五星级礼宾司果只.
点心廿四小时供应, 不过近一两年质素走下坡, 调味越来越差, 而且D肉既成份有五六成肥, 就算旧时兴食肥都无肥得咁交关, 因此点心前祈咪食.
相比下其他食物就真系几见得人, 如weekdays 既小菜客饭套餐, 例汤油菜一小菜一饭都只系28-32元. 比较差的是鱼香茄子, d 肉碎接近全肥, 汁太杰.
烧味类不错, 烧鸭叉烧和烧肉属中上水准. 鸡只系普通, 胜在不太肥, 沙姜味甚香, 霸王别鸡姜荵好食, 油鸡亦够味唔太咸. 当然啦天王级烧味店陈六记就在不远处, 其实是没必要在马仔记吃烧味的. 再唔系, 海港的烧鹅都顶得两嘴啦.
咁讲来讲去, 即系马仔记除普普通通既小菜之外有何好吃呀? 之唔系蒸鱼啰. 不可以和专食海鲜河鲜既地方比, 但系蒸鱼火侯控制得宜, 加埋质素称得上"可人" 的姜荵和豉油, 便很好下饭了.
到冬天就一定来食个醉鸡锅. 鸡就唔系特别出色, 但系个汤底好正, 好浓, 药材味足. 好多时食醉鸡锅, d 药材已煲到溶溶烂烂一pat野, 药味一早挥发净尽, 有d 药材唔系咁襟煲嘛. 呢度就唔同, 汤色甚清, 而且柯打时才加进新的药材. 兼且碟鸡所浸既酒甚有味, 一倒倒晒落去, 食食下就会有点醺醺然. 不过火锅料就争少少, 除干冬菇(已浸发)外无特别野, d 肥牛仲系最差最差肥位全肥瘦位全瘦果只添! 滑牛就食得下.
anyway都系比个笑脸佢, 因为对一间街坊小菜馆黎讲, 平均消费三数十元, 有几样野算系好食, 再加其他野ok 既, 你仲想点jet?
张贴