阿元來了 (鴻圖道)

营业中

休息中

今日约咗朋友系公司附近嘅阿元来了食lunch, 由于呢间餐厅人气极旺，朋友都特意提早咗少少去等位。餐厅装修设计别出心裁，好有台湾怀旧风格，打卡一流我哋得两位要同人搭枱，座位比较挤迫，餐枱都偏细，上菜后都无乜空位净。由于全场座无虚席，非常嘈吵，我哋坐对面要放大几倍声量先听到对方讲野，所以全程都无乜点倾到计。虽然坐得比较局促，不过食物质素都唔错既。睇餐牌见价钱都几实惠，原来份量都真系相当迷你，不过咁都好，俾到藉口我哋叫多几款黎试最后我哋叫咗四款小食加两杯饮品。阿元鲁肉饭 - 鲁肉肥瘦均匀，卤得好入味，咸香唔油腻，捞饭一流。蚵仔大肠面线 - 面线幼滑，相当足料。盐酥鸡 - 外皮炸得酥脆，内𥚃肉质嫩滑，香口惹味。芝士蛋饼 - 饼皮松软有蛋香味，同半溶芝士简直绝配。珍珠奶茶都唔错，香滑而不过份甜腻。整体食物几有正宗台湾风味，下次要避开繁忙时段再黎试吓其他小食同慢慢感受吓呢度浓浓嘅台湾怀旧氛围。