真知味 (已結業)

车仔面都算系香港代表之一，系花园街+金鱼街已经有几间，但好食嘅得两间。今日返工前去左食其中一间我认为好食嘅车仔面老铺-真知味。呢到系传统咁先拣𩠌后比钱，跟住自己攞埋位食。我就无叫面底，叫左生菜，冬菇，鱼皮饺，猪大肠，炸鸡亦+辣汁。冬菇同猪大肠卤得够耐好入味，菜好爽，鸡亦同鱼皮饺就普通，成碗野整体系ok，但唔系个个都接受到呢到食野。点解？因为呢到卫生环境麻麻，食开都知呢到乌蝇相比其他食肆要多，间铺入面嘅位仲成日闻到阵阵厕香，今日仲比我见到个侍应跌左支外卖羹落地下，佢换左只新嘅比人，但就系个客面前执返，擦左一下就摆返落堆外卖羹到比下一个用，其实其他铺都可能会咁做，但都唔好系个客面前做呀，真系接受唔到啰！所以就算呢间有几好食，我都系去少d为妙。