鳴門魚市場居酒屋 (已結業)

家人之前去餐厅食，有几张惠顾满$200减$100嘅Coupon。屋企人话唔好嘥，同佢哋一齐去食。叫咗支清酒(自言自语)，因为清酒配鱼生系好正点咗条赤小鲷，肉质爽甜，另有䓤酸汁沾食好开胃，但我始终比较沾芥末及酱油。串烧黑豚肉 及 鸡软骨，烧得香口，豚肉弹口油香而不腻。三文鱼亲子卷饭较为偏硬少少，三文鱼微微火炙浸出鱼油。吉列蚝外脆内软，蚝味浓又鲜味。食完一碟后又再加追炸芝士几香口，沾少少沙律酱，甜甜酸酸。赤小鲷食完刺身，再加钱将鱼头鱼骨酥炸，整条鱼骨 几乎全都可食落肚烧青鱼味道唔错因为差少少可用多张Coupon，所以叫咗个菠萝雪芭。食咗咁多炸物正好清一清、冻一冻店员个个都好友亲所以成餐都食得好开心。