屋喔 (已結業)

有日，同事话带我去一处几好食嘅台式餐厅，于是就行远啲去到呢一间叫「屋喔」嘅餐厅。 午餐时段真系多人到我大叫「屋喔」啊！不过，有一点人间有爱嘅系，店门前有免费嘅荔枝水比等候中嘅食客饮。当时除咗饮完觉得甜之外，果然心里面都凉快咗啊。等左阵，终于入坐睇睇餐牌，二话不说拣咗最保守嘅「盐酥鸡汤扁面」加「桂圆冰红茶」。可能多人嘅关系，食物都等候咗一段长嘅时间，而饮品先上，个人觉得味道有点微妙，淡淡嘅红茶配酸酸微甜嘅果肉味（有点不明？门外荔枝水更好饮的感觉）食物到咗后有啲失望，虽然等咗好耐，但炸鸡唔算好热，而且感觉比较老，好似放咗好耐翻炸嘅口感；扁面嘅汤底色够，但味道略为清淡，无乜突出嘅感觉，所以配起面再加上鸡肉，感觉比较一般。总结，几钟意佢地店外会体贴地为门口等候嘅食客准备饮品，呢种做法都好似开始流行。但没办法，整体食物味道一般，同等餐时间较长，所以令人对想再去嘅想法有点却步。