天鳥居酒屋

营业中

休息中

呢度应该新开，见佢门口招牌都有张纸未撕开，同老婆行开就试吓啦，见佢都几旺场，店内环境同香港开嘅日本居酒屋差唔多，但系都几干净企理嘅，够新净，带咗两个串烧，分别系烧菠萝，同埋烧杏鲍菇，特别想讲下个杏鲍菇，首先系几好食嘅，食落口感都几有真肉feel ，同埋呢间居酒屋嘅串烧款都几多素食拣，素食朋友可以嚟试下，之后就带咗一个牛肉刷刷锅，都几多了，牛肉下便都好多菜，可惜自己烧耐左😂，下次控制返先，我带多咗个芝士咖喱汉堡扒饭，呢个几浓味，又够饱肚，埋单两位$240 ，性价比都算唔错，职员服务都几好，食之前又有比一个一次性嘅口罩袋俾我哋，呢度有一个几有趣嘅游戏，我见几多人玩，就系掷骰仔游戏，如果赢咗嘅话有梅酒送