新派韓食館 (已結業)

呢排唔知咩事系咁食韩国野😂就连今日去拜完车公都走左黎sister korea cafe食韩国野。韩国菜炸鸡又出场啦~ 不过我觉得呢个味道就真系一般，纯粹只系啲啲酱淋系炸鸡，鸡冇点腌制过，唔算好好食，可以再好啲。腌萝卜就唔错，酸酸地去下油炸感。前菜因为好肚饿既关系，我都要叫番座「山」咁大既炒饭饱肚，所以好唔客气叫左呢个辣汉拿山芝士蛋熔岩豚肉炒饭。见到成盘泡菜，紫菜，豚肉，芝士同蛋浆，一望就知份量几重量级😛炒饭会有一个oppa帮你炒，好似平时食烧肉咁。Oppa首先倒哂啲kimchi，豚肉同紫茶落饭，然后整松个饭炒呀炒，之后同咁上下倒啲酱落去，最后系饭外围倒埋蛋浆同芝士围个圈圈就完成呢座山。我觉得啲蛋唔够滑，芝士味唔算浓，突然好挂住outdark啲芝士，虽然食到滞，但系好creamy啲芝士。炒饭就唔错，饭炒到粒粒散开，而且辣酱劲入味👍豚肉(其实我觉得似五花腩)好爽口，偶然食下都唔算过份😂忌廉插柚子沙冰冇一般咁甜，可能因为啲冰沟淡左? 正常忌廉超甜，不过果日饮冇over甜味。柚子味系有，不过系淡啲，可能唔想甜上加甜?朋友系咁话杯意大利咖啡苦，系咁加糖。