大肚Dum

营业中

休息中

本身约朋友去食屏山入面既小町拉面店，点知去到大排长龙，又肚饿，就唔等啦试下隔黎呢间小店餐厅。店面好细，店得3张枱，门口有1张，食物种类唔多但都多元化，有意粉有咖哩有台式肉燥。我地分别叫左个卡邦尼蛋黄汁意粉同松露忌廉杂菌意粉，再加个小食拼盘，落单时侍应都有提下意粉要等一等，应该系即煮，品质应该唔太差，饮品另叫，12蚊1杯。先黎个小食拼盘，有波波肠4粒，炸饺子炸春卷仔各3件同好多薯条，全部新鲜炸起，香脆可口。意粉到啦，其实都唔系等左好耐，15分钟唔够，意粉煮得较硬身，唔系一般茶餐厅果种，似cafe果种，松露味偏淡，唔系好食得出，汁底做得几好，50蚊黎讲算系ok，另外果份卡邦尼都差唔多。整体食物质素算是唔错，价钱都好合理，系位置比较偏僻，同埋有时会闻到1阵阵臭臭地味，唔知系咪因为对面系公厕关系，相对环境上会差少少。