Mano (The L. Square)

铜锣湾，一个充满餐厅嘅区域净系计西餐都多不胜数，但系，上个星期我朋友带我去食咗一间铜锣湾嘅西餐厅，个名叫做MANO，竟然仲畀到惊喜我。呢间西餐厅响铜锣湾广场二期同鹅颈桥嘅中间，都相当易揾。入到去呢间采光度好高嘅餐厅，热情嘅工作人员好快就安排咗座位畀我哋。我哋今次叫咗「10oz烧纽西兰肉眼扒」、「芝士肉酱千层面」，另外我哋仲分别加咗沙律同埋餐汤，同埋每人一份甜品添。等咗一阵，沙律同埋餐汤都上咗枱喇，份量同埋味道都唔错，之后千层面都嚟埋呢个千层面芝士十足，面层芝士嘅甘香焦脆，中层芝士拉丝，加埋肉酱同埋千层面口感非常丰富，亦都好有层次，非常值得推介。仲有份量十足嘅烧肉眼扒，肉味十足，亦不失嫩滑。最后，是日嘅甜品系tiramisu整得都算唔错，有微微嘅酒香渗出。顺带一提，呢一个lunch set系包埋饮品嘅，食完个晏，同朋友嗌杯嘢饮吹多阵水，都真系一件赏心乐事。