BYOB Coffee Roaster

营业中

休息中

#北海道帆立贝明太子意粉 🍝个酱用忌廉做底，加上明太子酱，香香辣辣，唔会过咸，而且够晒杰身，令每条面都可以沾满酱汁。成碟嘢相当creamy，意粉口感就尚可 。配料方面有两粒刺身级带子，相当厚肉，两面有香煎过/烧过，做到半生熟效果。但个人认为香煎前可以印干少少，因为都有出水嘅情况；煎𠮶阵又可以落多少少盐，除咗可以吊吓味，仲可以令带子表面干身啲，更加易做到表面焦糖色。另外店家仲加咗少少木鱼丝、蕃荽、蘑菇等，可以增加口感，但味道上冇太大帮助。#蟹膏蟹肉意粉 🍝同样用忌廉做底，酱汁creamy，意粉挂汁，加上蟹膏同蟹肉，每啖都充满鲜味。但系怕腥嘅朋友又唔使担心，忌廉令蟹味mild咗，所以唔会太浓，味道适中。配料方面有拆咗嘅蟹肉丝、蟹籽、两只蟹钳仔同蘑菇等等，除咗可以增加鲜味，口感上大大提升。整体嚟讲虽然冇明太子意粉咁惊艶，但以呢个价钱，都系好食足料嘅意粉，值得一试。#水牛城鸡翼 🐓鸡翼只限假日提供。酱汁一入口有种好冲击既感觉，非常浓稠，少少辣味，可惜酸过头。鸡翼都偏大只，肉质结实，不过外皮唔够脆，加上酱汁后更易变腍。