其味煮意 (已結業)

位于工厂大厦内的餐厅，如果唔系朋友介绍，真系唔会识揾到。如果无睇到旁边的餐牌，门口好有工作室的感觉🤣入面比想像中阔落，有埋大电视，环境都几休闲舒服。⭐️我叫左黑椒薄西冷牛排特餐，有汤有饮品都系$52 (冻饮+$2)，超级抵食。白餐汤味道比较淡，浓稠质地，有少少黏口。我最满意个牛排，话系薄牛排，但都有两块，份量唔少。调味几香，肉质口感唔错，唔会’鞋身’。薯角脆脆地，可以接受。配菜无盐无油，走健康路线。黑椒汁味道可以，不过质地系偏稠(睇相)⭐️黑白粒粒西多士 $29 (连热饮)味道正常，睇落无完整一块西多士邪恶，但应该都系错觉🤣整体食物质素不过不失，胜在价钱够亲民，环境都坐得舒服，有大电视添，坐好耐都唔会赶人走。