建榮特色桑拿菜火鍋店

营业中

休息中

平日去顺丰经常经过呢间大排档，趁今日星期五就和同事一齐过嚟食返餐好嘅。见好多都系一家大细或者系一班朋友一齐黎，好热闹同埋好有地方特色。呢间餐厅比我想像中干净，碗碟一d都唔油腻。见到唔少人食蒸气火锅不过我哋就拣食小菜。椒盐九肚鱼炸得非常脆口，而且入口即化，软绵绵好水润，加埋炸得好香口既蒜头粒，简直系绝配。今日特登叫咗一个蒜蓉豆豉蒸白鳝。鳝肉加埋蒜蓉豆豉汁和葱，非常惹味，配白饭就最夹。西兰花炒虾球超级大碟。虾球非常大粒同埋弹牙，唔系一般雪藏货。西兰花同埋青红黄椒都好爽甜，炒好之后都仍然非常翠绿可口。整体来讲CP值超高，下次放工之后都可以再食。