影片
更多
2023-05-03
277 浏览
喺屯门长大嘅 90后都应该去过「台竹」打边炉， $40几蚊就有得任食肥牛，绝对系穷L恩物！虽然人大咗，又多咗好多日式涮涮锅、台式臭臭锅同中式药膳锅，但依然会不时怀念𠮶阵一班人围埋喺劲细嘅地方，打港式边炉嘅日子！经过发现，原来「台竹」旧址附近，有间叫「住家饭」嘅茶餐厅，竟然有打边炉任食，食嘅一样都系港式边炉。当然～十几年啦！通胀就一定㗎啦～不过晚市都系 $168 就有得任食肥牛、豚肉同滑鸡。午市最平 $88 一位𠻹，呢个价今时今日边到揾吖！先讲汤底，呢度声称所有汤底都系无味精，有港式嘅芫茜皮蛋豆腐汤、蕃茄薯仔汤、香浓沙叻汤，仲有日式寿喜烧同韩式芝士泡菜汤等，都几多选择。既然食港式边炉，今次就拣咗芫茜皮蛋豆腐汤，佢啲料真系劲多，估计有几只皮蛋，唔止一砖豆腐，啲汤愈煲愈浓，真系好似饮紧汤咁！食物方面，肉类用 QR code 点餐，都几方便。呢个价自然唔会太高期待，基本上有肥牛已经好够！肥牛都几厚切，够牛味 肉质唔差，而豚肉同滑鸡就系豚肉同滑鸡咁啦！Haha～配料、甜品同饮品都系自己出去拎，地方唔大，连雪柜都系迷你版，每样数目唔多，但都几多选择，有菜，有丸，有鱿鱼，响聆、生根，甜品都有5款咁多
经过发现，原来「台竹」旧址附近，有间叫「住家饭」嘅茶餐厅，竟然有打边炉任食，食嘅一样都系港式边炉。当然～十几年啦！通胀就一定㗎啦～不过晚市都系 $168 就有得任食肥牛、豚肉同滑鸡。午市最平 $88 一位𠻹，呢个价今时今日边到揾吖！
先讲汤底，呢度声称所有汤底都系无味精，有港式嘅芫茜皮蛋豆腐汤、蕃茄薯仔汤、香浓沙叻汤，仲有日式寿喜烧同韩式芝士泡菜汤等，都几多选择。既然食港式边炉，今次就拣咗芫茜皮蛋豆腐汤，佢啲料真系劲多，估计有几只皮蛋，唔止一砖豆腐，啲汤愈煲愈浓，真系好似饮紧汤咁！
食物方面，肉类用 QR code 点餐，都几方便。呢个价自然唔会太高期待，基本上有肥牛已经好够！肥牛都几厚切，够牛味 肉质唔差，而豚肉同滑鸡就系豚肉同滑鸡咁啦！Haha～
配料、甜品同饮品都系自己出去拎，地方唔大，连雪柜都系迷你版，每样数目唔多，但都几多选择，有菜，有丸，有鱿鱼，响聆、生根，甜品都有5款咁多，啤酒、汽水、豆浆都系任饮。
基本上想食想饮嘅都有，装修亦同餐厅嘅名一样，好「住家」嘅感觉，实而不华。就系𠮶种阿妈唔想煮饭，一家落楼就食都一样咁。
张贴
