影片
更多
2023-05-27
661 浏览
山 Yama📍铜锣湾耀华街38号The Zing!15楼本篇为中篇，主要介绍天ぷら盛り合おせ (天妇罗定食)同甜品草莓大福拿破仑。 💰$288天ぷら盛り合おせ 🍤🍱 💰$728寿司盛り合おせ12贯+1卷物 🍣Sushi Platter 12 Pieces + 1 Roll12贯嘅寿司按浓淡度整齐咁排列喺一个白色，望落好似一旧云嘅寿司盘上面，店员提醒我哋要由最淡味嘅鱼开始食起，另一端就放咗一啲师傅自家制嘅配菜，包括蒜头渍、姜片、牛蒡同红葱头。四款入边我最推介头两款，蒜头口感爽脆，由于系师傅自家腌制，所以连店员都唔知道酱汁嘅秘方！而姜片混合咗柚子皮，甜酸微辣，可以喺食完鱼生后清除口中嘅鱼味，为食下一件做好准备。所有食到嘅寿司饭都系用山产越光米配以适量嘅醋制成，颜色呈浅啡，味香但饭量唔算多。寿司款式实在太多，以下落嚟我会拣几件令我哋印象深刻嘅介绍俾大家：其余嘅寿司有：真鲷、右口鱼、章红鱼、北海道帆立贝、深海池鱼、烟熏𫚕鱼、天金目鲷，大家不妨亲身品尝一下厨师发办嘅滋味啦！甘虾 🦐甘虾比一般甜虾大只肥美，口感有少少黏黏哋，系我钟意嘅甜虾口感。上面放满虾膏，新鲜嘅虾膏味道果然更胜一筹，甘甜鲜味填满
📍铜锣湾耀华街38号The Zing!15楼
本篇为中篇，主要介绍天ぷら盛り合おせ (天妇罗定食)同甜品草莓大福拿破仑。
[价钱 Price]
💰$288
天ぷら盛り合おせ 🍤🍱
[价钱 Price]
💰$728
寿司盛り合おせ12贯+1卷物 🍣
Sushi Platter 12 Pieces + 1 Roll
12贯嘅寿司按浓淡度整齐咁排列喺一个白色，望落好似一旧云嘅寿司盘上面，店员提醒我哋要由最淡味嘅鱼开始食起，另一端就放咗一啲师傅自家制嘅配菜，包括蒜头渍、姜片、牛蒡同红葱头。四款入边我最推介头两款，蒜头口感爽脆，由于系师傅自家腌制，所以连店员都唔知道酱汁嘅秘方！而姜片混合咗柚子皮，甜酸微辣，可以喺食完鱼生后清除口中嘅鱼味，为食下一件做好准备。
所有食到嘅寿司饭都系用山产越光米配以适量嘅醋制成，颜色呈浅啡，味香但饭量唔算多。
寿司款式实在太多，以下落嚟我会拣几件令我哋印象深刻嘅介绍俾大家：
其余嘅寿司有：真鲷、右口鱼、章红鱼、北海道帆立贝、深海池鱼、烟熏𫚕鱼、天金目鲷，大家不妨亲身品尝一下厨师发办嘅滋味啦！
甘虾 🦐
甘虾比一般甜虾大只肥美，口感有少少黏黏哋，系我钟意嘅甜虾口感。上面放满虾膏，新鲜嘅虾膏味道果然更胜一筹，甘甜鲜味填满口腔，好想食多几嚿！
醋鲭鱼 🍣
醋鲭鱼一般嚟讲比较腥，但呢嚿醋鲭鱼，有紫苏叶、青瓜丝同黄瓜丝去咸去腥，用紫菜卷住一啖食好方便！
北海道盐水海胆 🍣
马粪海胆就食得多，北海道盐水海胆真系第一次。学日文嘅朋友曾经讲过如果想尝海胆嘅鲜味一定要去日本食，因为送到嚟香港嘅大多都唔新鲜。未食呢嚿寿司之前真系非常认同，因为我食过最好味嘅海胆就系日本旅行时订嘅一板马粪海胆，喺香港食过嘅一系无味、一系份量好少、一系好腥。但呢一度嘅盐水海胆令我一食就合上双眼，细味口中海
北海道毛蟹 🦀
选用北海道毛蟹拆肉而成，寿司饭混有蟹膏，蟹鲜肉嫩，食完齿颊留香。
大拖罗 🍣
一般都唔钟意食吞拿鱼刺身和寿司，因为觉得鱼腥味好重，某啲部位仲会好韧好多筋，但呢个大拖罗无丁点鱼腥味，而且无筋，一啖食晒好满足。
厚烧玉子 🍳
玉子喺后厨自家制，偏湿润，蛋身有一定厚度，蛋味唔算香浓，但胜在口感绵密，的确系心机之作。
拖罗蓉手卷 🍣
朋友最爱嘅手卷，用好脆口嘅紫菜卷住满满嘅拖罗蓉，一啖咬落油香溢出，除咗拖罗嘅香味，仲食到腌黄萝卜、青瓜丝、京葱等等，真系齿颊留香！
甘鲷立鳞烧 🐟
呢道菜靓得像艺术品，连皮嘅鲷鱼炸得香口，但鱼肉仍然非常嫩滑，鱼肉一疏疏同无骨，食落啖啖鱼脂，非常高水准。造型方面，我觉得佢睇落好似一朵花，师傅将连鳞嘅鱼皮炸得酥脆，令片片鱼鳞炸到竖起，咬嘅时候会听到「索索声」，连埋伴碟嘅鲜花瓣同绿色配菜，真系好似一朵开得好灿烂嘅花，又靓又好食！
不得不提放喺底部嘅黑松露酱，佢嘅texture好creamy，重奶味，黑松露味浓而不抢戏，无论系点鱼肉定鱼皮食都一样咁夹！
张贴
