Deep Sea Oyster & Steak

营业中

休息中

冇谂到山林道入边有间楼上嘅西餐厅，平时好少过嚟呢边食嘢，我哋比较早到，好彩有订位咋，因为发觉当晚都系爆晒场，入面场地唔算大，但系都适合朋友聚会同埋情人二人世界烛光晚餐～除咗本身Menu上面嘅食物之外，出边仲会有块手写板写时令嘅生蚝同埋其他特色食物。…牛油炒芦笋真系好好食，牛油香得来唔会油腻，而且芦笋切细咗，食每一啖大细啱啱好，每一旧都会有牛油嘅香！…美国安格斯肉眼，因为我哋唔钟意太熟，所以就叫咗五成，嚟到嘅时候唔会太熟，中间望到血色，但系切嘅时候唔会有血汁。伴碟有薯块，我哋问左店员攞蕃茄酱点嚟食，特别好食，而旁边仲有啲沙律菜。特别一题，系上面嘅炸蒜片，本身都留意到餐牌入边有呢一道特别可以单点嘅菜式，原来真系好好食，唔怪之得可以单点！…甜品方面，我哋叫咗一件焦糖马德莲贝壳蛋糕试下，焦糖喺上面焗到微㶶真系超级好食，未嚟到嘅时候已经闻到佢嘅香，入边蛋糕质感松软，推荐～…饮品方面，我哋嗌咗石榴特饮，似系石榴汁加咗梳打水嘅味道，唔会太甜，几好饮。