文記車仔麵 (福榮街)

营业中

休息中

山竹大风球就快打到来，趁仲系风平浪静的前一晚，拿拿临去深水埗食碗面，买少少𩠌打定底先!时间尚早，未见长长人龙，但新店已经要喺门外等位。我地一行五人于是就排隔离的总店，一边谂下拣咩𩠌，一边排队等落order...当日不知道是否想快啲清货，𩠌的份量好似阔佬左。一如既往，我都系叫米粉（$9），三𩠌就有猪肠，牛根，鸭肾。惊喜的是，我要求的是「瘦猪肠」。开头见到呀姐剪了两嚿仔，就停左手我心谂，「唔系挂，咁揾笨」，真系有一刻冲动，叫佢比多少少。好采原来呀姐去拎另一盘「猪肠」过来，入面都是瘦肠。呀姐拎起左一大条，见佢不停剪落个碗到真系正。眼见「瘦猪肠」入面得干净，肥膏都唔多觉，真系赞嘅~ 我好奇点解会阔佬到咁，同行的食伴指多数啲人选择「肥肠」多，「瘦肠」滞销㖞!（唔知事实系咪呢？）另外，鸭肾几本都比晒一整嚿，好多呀！初初以为都系比一半左右。最后，会问你加唔加辣，仲会帮你送到枱上，完全唔洗自己郁手。食落唔算太浓味或过咸，不过可能出左名，价钱都有番咁上下，都唔算话超抵。如果你贪心想叫多几款贵价的𩠌，分分钟去茶餐厅食一个set都唔洗依个价钱。