Lockeroom Zoom Football Restaurant (山頂廣場) (已結業)

山顶广场变番人头涌涌，见到有啲旅行团又有啲幼稚园团，当然食肆最开心。上到黎山顶，山顶广场都好多食肆，今次拣左间足球主题既西餐厅，估唔到又几好食。叫左两个餐，一个系西班牙黑毛猪梅头肉、根菜配菠萝莎莎。黑毛猪都唔细块，又厚肉，重点系好juicy，啲肉一啲都唔鞋口。配菜有啲沙律菜，烤南瓜劲甜，菠萝莎莎应该系啲薯蓉加菠萝粒，一啖食哂两样都几夹。另一款叫左个西班牙脆包，之前未食过，所以想试下。烧牛肉脆包几出色，包够脆，唔会林哂。牛肉好有牛味，唔干柴。重点系个酱系几夹个牛肉包，令到个口感唔会觉得好干。所有西班牙脆包仲有配埋薯条，薯条够脆够新鲜，好味。Lockeroom好多分店但系今次系第一次食，估唔到都几有惊喜，餐厅环境系足球做主题所以都几有亲切感，食物都几有质素，系好味嘅西餐厅。